На Факултетот за електротехника и информациски технологии, од утре (23.01.2016, сабота) почнува тренинг курс за Згради со енергија близу до нула (Nearly Zero Energy Buildings – NZEB).
Во рамки на проектот „Форум за енергетски професионални вештини (MEnS)“, финансиран од Европската Унија преку програмата „Хоризонт 2020“, преку овој курс ќе поминат околу 120 дипломирани градежни, машински и електротехнички инженери и архитекти од Македонија.
ВЕ ПОКАНУВАМЕ да го проследите отворањето на настанот, кој ќе се одржи во Салата за конференции на ФЕИТ.
Изјави за медиумите, во 12 часот, ќе дадат:
- Професор д-р Властимир Гламочанин, раководител на проектот, ФЕИТ
- Професор д-р Миле Станковски, декан на ФЕИТ
- Игор Панчевски, претставник на Комора на овластени архитекти и инженери на Македонија
– – –
Универзитетот „Св. Кирил и Методиј“, во овој проект, е единствената образовна институција кој потекнува од земја која не е членка на Европската Унија. Други наши европски партнери се: „EnerGia-Da S.r.l.“ од Италија, „Knowledge transfer network limiter” од Велика Британија, “Aristotelo Panepistimio Thessalnikis” од Грција, „Бурнел“ универзитетот од Велика Британија, Универзитетот од Кипар, „Universitatea Тehnica Cluj-Napoca” од Романија, Даблин институтот за технологија од Ирска, „Energy consulting network APS” од Данска, „Radio-television Belge De la Communaute Francaise” од Белгија, “Universite Libre De Bruxelles“ од Белгија, “Univerzitaet Kassel” од Германија и “Univerzistat Politechnika De Valencia“ од Шпанија.