Новите згради ќе мораат во најмала рака да бидат во „C“ категорија, поточно потрошувачката на овие објекти не смее да биде поголема од 65 kWh по еден метер квадратен на годишен ниво.
Од вчера енергетските пасоши, со кои што ќе се прикажува енергетската потрошувачка на годишен ниво, ќе бидат обврска за секој објект. Ниту еден ново изграден објект не ќе може добие употребна дозвола доколку не го поседува енергетскиот пасош.
Енергетскиот пасош ќе содржи општи податоци за некој објект – климатски и термодинамички податоци. Исто така ќе содржи и препораки за подобрување на енергетските карактеристики на објектот.
Според правилникот, со енергетскиот пасош се утврдени 8 енергетски класи – од А+ до Г, каде А+ претставува најголема енергетска ефикасност. Новите згради ќе мораат во најмала рака да бидат во „C“ категорија, поточно потрошувачката на овие објекти не смее да биде поголема од 65 kWh по еден метер квадратен на годишен ниво.
Реконструирани објекти како и објекти кои што се издаваат ќе мораат да го поседуваат енергетскиот пасош. Викендичките, објектите кои што се помали од 50 метри квадратни, како и производни погони каде што температурата на греењето е помала од 12 степени Целзиусови, не мораат да ја поседуваат оваа исправа. Старите објекти ќе мораат да се унапредат за минимум една категорија, по пат на дополнителна изолација.
Правилникот за енергетска ефикасност на градбите, опфаќа 10 различни категории на објекти. Тоа се станбени згради со еден, два или повеќе станови, управни и деловни објекти, едукативни, здравствени објекти, туристичко – угостителски објекти, објекти наменети за спорт и рекреација, објекти за различни намени.
Според изјавата на претседателот на Инженерската комора на Р. Србија, Драгослав Шумарац, во државата постои околу 3 милиони различни објекти, кои што во просек трошат помеѓу 150-200 kWh по еден метер квадратен на годишен ниво, додека во ЕУ таа изнесува помеѓу 50-70 kWh. Инженерската комора процени дека на Србија му е потребно околу 2000 лиценцирани инженери за да се заврши категоризација на сите изградени објекти.
Надлежното министерство ќе биде задолжено за издавање на дозволи за оние компании кои што ќе бидат задолжени за издавање на енергетските пасоши. Според направените процени, воведувањето на енергетските пасоши ќе ја поскапи изградбата на објектите за околу 5%, но повратот на инвестицијата во енергетската ефикасност се очекува за 5-6 години.
Извор: Зелена Србија
One Comment
Lovro Sabolik
Ova so energetski pasosi e mnogu pametna rabota , nazalost nie sme mnogu daleku od toa kaj nas toplifikacija ni prodava toplina vo m2, na kup za cela zgrada so eden kalorimetar pa potoa ja deli toplinata na toa koj kolku kvadrati ima.A toplinskata energija se meri so kalorimetar pa koj kolku potrosi tolku si placa, komsijata pod mene cela zima ima otvoren prozor bidejci mu e pretoplo(pod nego e toplotnata stanica) a jas se smrznuvam na potkrovlje a ista kvadratura imame.i isto placame, kalimero , nema pravda.