Енергетските проекти Бошков Мост и Луково Поле запираат. На барање на Европската банка за обнова и развој ќе се работи нова еко студија која треба да покаже дали воопшто ќе се градат овие електрани, пишува бринаски Гардијан.
Весникот во анализата пренесува изјава на висок претставник на ЕБОР, која треба да биде финансиер на проектот Бошков Мост.
„Во тек е спроведување на „нова“ студија за оценка на влијанието врз животната средина. Се додека студијата не се заврши, нема да се преземаат никакви активности. Поради жестоките реакции од страна на експертите од областа на заштита на животната средина и засегнатата поширока јавност, работата на терен е отежната. Многу е веројатно дека ќе треба да се свртиме и да се откажеме”, вели претставникот на ЕБОР за британски Гардијан.
Еко студијата која треба да покаже дали и колку изградбата на електраните ќе ја загрози природата ќе биде готова најрано за една година, а до тогаш проектот ќе мирува.
Екологистите посочуваат дека нема да се откажат од отпорот за изградбата на централи во национални паркови, дополнително што во тој регион се предвидува изградба на уште 20 помали ходроцентали.
Екологистите велат дека испратиле проекти до Владата во кои се нудат алтернативни решенија. Од владата пак се уште остануваат на ставот дека енергетските проекти се од огромно значење за замјава.
„Студијата за Бошков мост се уште е во изработка и ги чекаме нивните завршни анализа и дури потоа ќе се знае дали ќе има штетни последици од изградбата на оваа хидроелектрана“, велат од Владата.
На меѓународната петиција за заштита на националниот парк Маврово, се потпишаа сто илајди луѓе. Протестираа и мештаните од реканскиот крај, а дополнително проектот се проблематизираше и по реакциите на Албанија, која е засегната преку речното поврзување. Официјална Тирана се изјасни дека без договор и детални анализи нема да може да се реализираат овие прокети.
Извор: 24 вести
One Comment
Ropo
Секогаш сум бил за екологија, ама во случајов не се согласувам со сопирање на проекти за изградба на хидроцентрали. Заедно со енергијата од ветерот, е една од ретките „чиста„ варијанти за искористување на обновливи извори за енергија. Фотоволтаик панелите имаат проблем со сложеноста на рециклирањето.
Како и да е, со ова запирање си пукаме во нога. Од една страна се грижиме за балканскиот рис (кој никој со сила не го тера да се бања во новите езера 🙂 ) а од друга страна најголемите потреби за електрична енергија ги задоволуваме преку горење јаглен во термоелектрани (или скап увоз).
Прилично глупаво, да не речам ретардирано. Целата ситуација заличува на Монти Пајтон скеч. Зимно време Скопје и Тетово се дефакто најзагадени градови во Европа, популацијата страда од хронични респираторни проблеми а ние демек се секираме за некакво минорно намалување на хабитатот на рисот – кој и онака преферира повисоки предели.
Дури соседните држави се наоѓаат тука за паметни да ни солат памет за екологија и совесност. Но во исто време Грција маме онадија на езерата кои ги делиме, со цицање вода за наводнување – Во Албанија попара ја направија пастрмката во Охридско Езеро.
Невидена дволичност и лицемерие, со врв на се – нашата сопствена глупост самите да си ставаме сопки.