Во минатиот напис пишувавме за тоа каде сѐ можеме да го искористиме овој мини ветрогенератор. Денес ќе зборуваме за тоа што сѐ нѝ е потребно и како да го направиме овој мини ветрогенератор.
За почеток најдете стар PC (PC286) и од него извадете го флопи дискот (5,25 инчи). Флопи дискот како што рековме во минатиот пост ќе Ви послужи како генератор. Значи флопи дискот и од него го вадиме степ моторот.
Втор чекор е изработка на електрониката. Основната задача на електрониката е да ја „исправи“ неизменичната струја во еднонасочна струја, за да ја стабилизира на 5 волти, а сето тоа за да може безбедно да се приклучи на кој било УСБ уред. За оваа операција можете да искористите печатена плоча, а можете и без неа, бидејки електронската компонента на оваа мини ветерница е едноставна. За оваа операција Ви е потребна една лемилица, калај и паста за лемење.
Електрична шема на мини ветрогенератор
Електронските компоненти треба да се поврзат како што е прикажано на шемата. Користете 1N4004 диоди.
ВНИМАНИЕ! Некои степ мотори имаат 5 изводи/жици, а некои имаат 4,6 или 8 изводи. Ова е од голема важност бидејќи степ моторот мораме да го поврземе со електрониката на ветерницата. Погледнете како различни спет мотори се поврзуваат со електрониката на оваа слика
Сликите и текстот преземени од СОЛАРНА ЕНЕРГИЈА
8 Comments
Сашо
Забелешка: може да се употреби и степ мотор од било кој стар, неупотреблив/прегорен/расипан хард-диск. На хард-дисковите најчесто се расипува магнетната емулзија на дискот или електрониката, но степ моторот останува исправен во над 99% случаи.
Горан
прашање: а доколку се користи голем степ мотор , потребна е друга електроника ?
Предраг Стојковски
Здраво Горан,
Електрониката е иста ништо не се менува, единствено ако е потребнa некојa дополнителнa компонентa.
Поздрав и продолжи да не пратиш!
Nake Tufekciev
Ako diodite se zamenat so germaniumski ili shotky se zgolemuva efikasnosta na uredot bidejki 1n4004 imaat pad na naponot od 0,7volti dodeka gore posocenite samo 0,2 volti
8×0,7=5,6 so zamena 8×0,2=1,6 cista dobivka od 4volti
Devil
Рачуницата ти паѓа во вода со самиот факт што на излез од колово имаш регулатор 7805
имено овај регулатор работи така што кој и да било напон на влез донесен (во рамки од 7 до 23V) го претвора во 5V, така даи да стаиш ти диоди со помал пад на напонот, тоа не ти менува многу пошто регулаторов пак ќе даде ист напон како и со диодите со поголем пад на напонот.
Овај начин на регулација е еден од најнеефикасните, имате загуба од тип на греење на регулаторот, за да би се изгубило тоа има соодветни интегрирани кола кој служат баш за таа намена, за полнење на батерии и исправување на повисок напон на сакано ниво, со што ефикасноста е негде од 90-98%, на ова погоре е многу помала 😀
Отпорникот служи за ограничување на струјата, и тоа е лоша идеа кога се сака ефикасност на некој уред, со ова се што ќе произведите вишок едноставно ќе оди на греење на отпорникот
goran
koj se komponentite na prenaponskata zastita
Предраг Стојковски
Отпорници и диоди (3 зенер диоди од по 5.2V) инаку би те упатил на следниот форум каде што е подетално разработена тематиката на овој мини ветерен генератор – https://solar.freeonplate.com/forum/viewtopic.php?f=1&t=4
Devil
И заборавив да допишам, избегнувајте паста за лемење, пастите најчесто содржат киселини кој со тек на време ќе ви ја оштетат плочата и уредот нема да работи како што треба.
Калајот (тинол) во самата градба има калофониум (ако користите тинол жица за лемење 60 калај 40 олово и негде 1-5% калофониум) тоа е повеќе од доволно, не се потребни додатни средства при лемењето 😀