Климатски промени – мит или реалност

Доста тоа е расправано и пишувано за климатските промени. Некои ги негираат велејќи дека се само мит околу кој се крева непотребна прашина, при тоа негирајќи ги фактите кои ги опкружуваат. Од другата страна, ги имате оние кои ја форсираат тезата дека климатските промени и глобалното затоплување се тие кои на крајот ќе ја предизвикаат апокалипсата и дека тоа ќе биде крај за сите. И на крајот се поставува прашањето кој е во право. Што е тоа што е вистина? Вистината е можеби некаде измеѓу со малце повеќе факти на страната на оние кои ги преставуваат климатските промени како реална опасност и загадувањето како најголем предизвикувач на нив.

Сепак, мора да се спомене дека глобално затоплување имало од секогаш и дека тоа е процес кој се случувал од секогаш без разлика на степенот на развој на технологијата. Но, факт е дека тоа темпо е значително зголемено и дека ако не беше ова загадување светот немаше да биде  тоа што е и да се движи во оваа насока, нивото на морето да е толку зголемено, озонската обвивка да е толку намалена.

Каде е Македонија кога се зборува за климатските промени?

Родот на домати во Струмица и Гевгелија ќе се намали за три  четвртини до 2025 година.Слично сценарио го очекува и Кавадарци каде за 17 години ќе опадне производсвото на грозје за 70 проценти. Глобалното затоплување негативно ќе влијае врз македонското земјоделство. Според вториот национален извештај за климатски промени производството на поголем дел од земјоделски култури ќе се намали за 2 третини. Поради високите температури дел од високопланинските извори на вода ќе пресушат. Високите температури се една од причините за сушење на дабовата шума правејќи ја лесно запалива. Температурите минатото лето достигнаа и до 45 степен. Ваквите временски услови влијаат и врз шумските пожари во кои за две години изгореа повеќе од 10 илјади хектари шума. Според Светската метеоролошка организација најтоплите гoдини се последниве десет.

Метеоролозите очекуваат просечната годишна температура во Македонија да порасне за скоро 5 степени до 2050-тата година. Не очекуваат долги и топли лета и суви и ладни зими. Се очекува и поголем број на елементарни непогоди, суши, поплави. Земјоделците веројатно се најпогодената група граѓани, бидејќи тие самите знаат што им се случува во смисла на временски услови кои директно влијаат врз нивното производство.

Невладините организации се обидуваат да го свртат вниманието на луѓето кон овој проблем. Во скоро сите европски училишта децата изучуваат предмет наречен глобални климатски промени. Научниците предупредуваат дека следните 10 години се пресудни и крајно време е да се делува.