Наскоро во Лесковац ќе се направи масовна замена на старите натриумови светилки со нови LED светилки. Со ова Лесковац, ќе добие поквалитетно осветлување но во исто време и економските заштеди ќе го растеретат буџетот.
Се започна со пилот проект каде што првин се поставија пробни LED светилки на централната градска улица. Во улицата која што е долга 200 метри, се поставија 10 светилки за да се види разликата помеѓу новите и старите светилки.
„Она што беше очигледно е дека новите светилки даваат и до 50% подобра осветленост на улицата во однос на постарите светилки. Она што ни е план е да Лесковац биде прв град во Србија кој што во целост ќе ги елиминира старите светилки. Денешната состојба е да од 2.500 поставени светилки 2.100 се стари светилки, а годишните трошоци за електричната енергија потрошена за осветлување изнесуваат околу 200.000 евра, а дополнителните трошоци за нивното одржување изнесуваат 40.000 евра. Доколку сите светилки бидат LED светилки, трошоците ќе ни се намалат и до 90%. Со ова ќе го растеретиме како буџетот на општината, така и нисконапонската мрежа и трансформаторите. Предноста е и во одржувањето на овие светилки. Според компанијата која што ќе ги инсталира новите светилки, одржувањето на LED светилките ќе биди во просек на секој 7 години, а гаранцијата на овие светилки изнесува 15 години.“, објаснува заменикот на градоначалникот Драган Јовановиќ.
Извор:novosti.rs
2 Comments
Љупчо
Само да информирам дека и Македонија има ваков проект.
Всушност во Кавадарци, на главните улици во во градот веќе се поставени LED светилки. Иако се поставени на старите канделабри, осветлувањето е LED.
Лично не ми се допаѓа квалитетот на светлината, требало да изберат подобри, потопла боја, (оваа е некако бела стерилна), но барем сега секоја канделабра свети.
Предраг Стојковски
Здраво Љупчо,
Да покрај Кавадарци постојат и други општини кој што имаа поставено како штедливи така и најнови ЛЕД светилки. Се обидовме да ги контактираме но не добивме повратна информација, така да за ќал останавме без подетални информации за Македонија. Инаку што се однесува до светлината која што се добива од ЛЕД светилките најверојатно дека не е одбран адекватен модел кој што ќе дава иста или појака светлина како и постарите светилки.
Поздрав!