Иако оваа технологија во нашата земја е релативно непозната и неискористена, во светот се изградени многу вакви дигестори за домашна употреба. Индија и Кина се меѓу земјите кои најмногу ги користат овие системи. Куќен дигестор за биогас овозможува на корисникот за релативно мали пари и оперативни трошоци да постигне делумна или целосна енергетска независност дури и со користење на материјали кои дури се категоризираат и како отпад. Биогас е генериран како спореден производ на распаѓање.
Главно може да се користи за готвење во домаќинството (во случај на помали системи како што е на сликата со бурето), а за фарми и некои поголеми системи може да се користи за производство на електрична енергија, загревање на куќата или некоја стаклена градина. За поголеми фарми со поголем број на животни има економска оправданост и да се изгради систем кој генерира електрична енергија и на тој начин се постигне делумна или целосна енергетска независност. Во зависност од суровината постојат акумулациони и проточни дигестори. Акумулационите главно се користат каде има суровини од растително потекло. Имено, тие се полнат само еднаш и не се отвораат и доплнуваат сè додека процесот не заврши.
Проточните се користат главно кај фарми, при што се дополнува дигесторот секојдневно со животински измет од фармата. Друга поделба на дигесторите е на закопани и откопани. Тоа главно е поради температурата во дигесторот која мора да биде барем 35 степени целзиусови. Додека во тропските краеви не се закопуваат, за нашето поднебја е препорачливо да се закопуваат како би се заштедило на загревање во зимските месеци. Кинеските и индиските видови на дигестори се едни од најпознатите и со најдолга традиција. Кинескиот дигестор е подземен и е со обем од 6 до 7 метри квадратни. Се полни и празни еднаш дневно со отпадни води од домаќинството, органски отпад и животински измет. Полнењето и празнењето се врши рачно. Разликата меѓу кинеските и индиските е во тоа што кај индискиот има еден вид т.н. ѕвоно или еден вид купола која се корсити за збирање на биогасот.
8 Comments
Igor Gjurovski
Би било добро текстовите да се малку подолги и да има и објаснување како да се направат дигесторите, делови и слично.
Атанасовск
Во иднина ќе има такви работи во други текстови со слики а можеби и видео од типот направи сам. Продолжи да не пратиш.
Vlatko
Gornata slika so bure digestor e totalno nejasna. Eksperimentirav so isti takvi burinja da proizvedam biogas od otpadni organski materijali. Najgolem problem beshe skladiranjeto na proizvedeniot gas. Imeno Burinjata od pritisokot se shirea i postoeshe opasnost da puknat a gasot ne beshe vo koli4ina ni da se svari eden ru4ek, potoa gorilnicite za gotvenje od propan butan bocite se neupotreblivi bidejci pritisokot na biogasot e mal i poinakvi se uslovite za gorenje. Naidov na mnogu banalni pre4ki za da mozjam prakti4no da go koristam gasot.
Атанасовск
Ќе се обидиме да најдиме практично решение за твојот проблем и во некој од наредните текстови ќе го објавиме. Во меѓувреме продолжи да не пратиш.
stefan
ДА одлична страна не сум знаел дека постои.
Verica
Prekrasno konechno i nie da povedeme smetka za energetikata na individualen plan. Prodolzete so napisite no imajte predvid deka nemame site tehnichki poznavanja. Vo sekoj sluchaj izvonredno.
Verica
Me interesira dali kaj nas ima "toplotna pumpa"da se nabavi koj ja montira i kolku chini. Mnogu prashanja no veruvam ima interes za ova ili jas docnam so informacijata verojatno, ako e taka se izvinuvam no sepak baram odgovor.Blagodaram.
Атанасовск
Има Верица топлотни пумпи и можи да се најдат кај фонко (https://fonko.com.mk/). Јави се кај нив тие ќе ти дадат една процена колку би коштало да се вгради топлотна пумпа. Ти благодариме што не следиш продолжи да не следиш и ако имаш плус некои прашања слободно пиши. Инаку ако не ти е тешко пиши една меил ако се договорите со фонко.