На што треба да внимавате кога купувате нова ПВЦ дограма?

Повеќе пати зборувавме за топлинската изолација на објектите, како и за тоа каде се најголемите топлински загуби и како да ги намалиме. Како што веќе пишувавме и што е веќе општо позната работа, најголемите топлински загуби се преку лошата/неквалитетна дограма – и до 50% од вкупните топлински загуби. Најлесен начин но во исто време и најскап, па инсталираме нова квалитетна дрвена или ПВЦ дограма. Вториот, или low-budget начин е да поставиме траки за дихтување со кој што донекаде ќе ги намалите топлинските загуби.

Но да се вратиме на првата опција – инсталирање на нова дограма. Обично кога се работи за нова дограма сите помислуваме на нова ПВЦ дограма. Но внимавајте и тука има неколку стапици во кој што можеме да влеземе доколку не внимаваме. Денес на нашиот пазар можеме да најдеме најразлични модели на оваа дограма, со различен квалитет и со различни цени. Обично кога купуваме нешто гледаме да поминеме што поевтино – ги купуваме оние производи кој што се поевтини, па така и со ПВЦ дограма. Обично се водиме со следната логика – ќе заштедам на ПВЦ дограма а затоа ќе земам нешто друго. Но ПВЦ дограмата е скапа работа, за да се водиме со оваа логика.

Основното прашање е зошто имаме иста дограма а различни цени? Одговорот е едноставен – не е секоја дограма квалитетна дограма. Денес на нашиот пазар можеме да најдеме неквалитетна дограма која што се продава како дограма која што е произведена во Германија или пак во Австрија, а всушност таа е произведена во Кина или пак во Турција. Оваа ПВЦ дограма не ги исполнува стандардите како на нашата држава, така ни на Европската Унија. Од технолошки аспект оваа дограма е осиромашена на секој можен начин.

ПВЦ профил

Самиот ПВЦ профил од кој што е направена дограмата е осиромашен за оние најбитните елементи кој што се во исто време и најскапи, како што се на пример адитиви кој што го продолжуваат векот на користење на оваа дограма, ја даваат стабилноста на самата смеса од кој што се добива ПВЦ профилот.

Дебелината на ѕидовите на оваа дограма е намалена, па така наместо минималната дебелина која што треба да биде 3 mm, таа изнесува 2 mm. Намалената дебелина ја намалува и самата ефикасност на ПВЦ профилите за 33%.

Гумените дихтунзи се изработени од неквалитетни гуми, па по одреден временски период ја губат својата еластичност и почнува да се рони. Со самата неквалитетна гума, ПВЦ дограмата не дихтува како што треба да дихтува.

Поцинкуваното зајакнување, кое што треба да биде поставено на секој ПВЦ профил е уште еден начин на превара. Според стандардите, треба да има челично зајакнување кое што не смее да биде потенко од 1,5 mm. На нашиот пазар можете да најдете ПВЦ дограма која што го има оваа зајакнување, но кое што не е подебело од 1 mm.

Механизмот

Првиот показател на квалитетот на ПВЦ дограмата е самиот механизам. Првите проблеми кај оваа дограма се јавува поради лошиот механизам – отворањето и затварањето на прозорците.

Стаклото

Во поевтината дограма иди и поевтино стакло, па така прозорците кој што ги купивте пропуштаат влага и истите замаглуваат.

На крај да ве прашаме да ли ќе се одлучите за поевтина ПВЦ дограма?

Како да се заштитите?

Еве ги основните фактори на кој што треба да внимавате кога купувате нова дограма:

Изберете озбилна компанија кој што подолг временски период работи на нашиот пазар

Писмена гаранција на пазарената дограма

Сервис и обезбедени резервни делови и по истекот на гаранцијата

Материјалот од кој што е произведена дограмата

Гаранција и времето на испораката на прозорците

Потеклото на дограмата може лесно да се провери на интернет (нели се продаваат како „германски“ ПВЦ профили)

Се надеваме дека овој текст ви даде основни насоки кога се одлучувате за избор на нова ПВЦ дограма, која што треба да овозможи намалување на топлинските загуби.