Министерството за економија е во преговори со неколку банки за воведување на таканаречени „зелени кредити“ за вградување на сончеви колектори во домовите со што би се искористиле и европските средства кои се на располагање за оваа намена.
Ова го најави министерот за економија Ваљон Сарачини при денешната посета на скопското семејство Сурмеан кое во својот дом има вградено сончев колектор од Програмата на Министерството за економија за надоместување на дел од трошоците за купување и вградување соларни колекторски системи во домаќинствата.
– Од септември во соработка со банките ќе почнеме со вториот дел на субвенционирање за вградување на сончеви колектори, односно плаќање на девет рати. Тоа ќе значи дека домаќинствата ќе треба да плаќаат некаде по 60 до 70 евра месечно за вградување на ваков систем, изјави министерот Сарачини.
Уште 10 дена рок имаат граѓаните да аплицираат за добивање субвенции за јавниот оглас за обезбедување поврат на инветираното за поставени сончеви колектори. Досега околу 1.200 граѓани поднеле барања за субвенции, а од Министерството за економија очекуваат заклучно со крајниот рок 31 мај да пристигнат околу 1.500 апликации.
На 9 јуни ќе се одржи јавно извлекување по случаен избор на оние кои аплицирале за поврат на средства. На преку 300 граѓани кои купиле и вградиле соларни системи во нивните домови, ќе им бидат вратени 30 отсто од парите што ги потрошиле, но најмногу до 300 евра.
Во Македонија 20-тина илјади домаќинства веќе поставиле соларни термални колектори. Според експертите, со оглед на бројот на сончеви денови што ги нуди земјава тоа не е голема сума. Тие сугерираат дека вложените средства за вградување на соларен систем се враќаат за две до три години.
Виолета Сурмеан од Скопје изјави дека воведувањето на соларен систем во нејзиниот дом ја чинело 1.000 евра.
– Имам поставено три соларни колектори со бојлери за сите три ката од мојот дом. Само за загревање на водата во класични бојлери јас би требало да трошам по околу 4.000 денари за електрична енергија во летниот период, истакна Сурмеан.
Извор: КУРИР
6 Comments
Niki
Narode i ovaa sto go citame ovde e edna monopolska igra na vladata na MKD 3 solarni kolektori za 1000e realna cena na kolektorite e 500e a ostatokot odi preku kompaniite vo djebot na vladarite koi na sekoj nacin se trudat da go izmanipuliraat Makedonskiot narod.Zatoa eve vi link na koi ke mozete da videte kolku eftino e sam da si napravis svoj solaren panel !
https://www.youtube.com/watch?v=hNH2YGzwznI
Slobodan
Значи прво си вградуваме самите систем за 1000 евра, а после ако не извлечат, ќе ни вратат 300 евра ако не, не ;O Глупости Треба на сите што инсталирале систем да им се дадат пари, а не со влечење.
Lazo Spasovski
Da pocekame do septemvri da vidime dali ke ima subvencii. Ova so vlecenje mi izgleda namestena rabota samo kekoj da dobie.
Goran
Imate li informacii dali ce ima subvencii za onie koi vgradile soncev kolektro vo 2013 godina?
Предраг Стојковски
Здраво Горан,
Оваа година како што можевте да прочитате на сајтот, беа доделени субвенции за купени сончеви колектори во 2013 година. Се надеваме дека во 2014 година ќе продолжи традицијата на доделување на субвенции на купени сончеви колектори. Нашата препорака е да ги следите новостите од кој што доаѓаат од Министерството за економија, кое што ги одобрува субвенциите.
Поздрав,
Предраг
dunutar
koja e adresata za prakanje?