Се поголеми цени на електричната енергија, ги натера граѓаните да размислуваат како да ги намалат трошоците на електрична енергија, така и да најдат начин да бидат енергетски независни. Овој другиот начин станува се подостапен, но и се популарен начин на задоволување на енергетските потреби во Македонија.
Македонија е земја кој што обилува со голем број на сончеви денови, преку 270, па од овие причини, се поголем број на граѓани купуваат или пак сами си прават сончеви колектори за добивање на топла вода. Но покрај сончевите колектори, се поголем број на граѓани се одлучуваат за пазарење на нови сончеви панели за производство на електрична енергија – популарно нарекувани фотоволтаици.
На македонскиот пазар можат да се најди голем број на различни модели на фотоволтаични модели – од различни производители со различна моќност. Но исто така можете да најдете повеќе различни модели/типови на сончеви панели – поликристални, монокристални и аморфни панели. Во што се разликуваат овие модели?
Основна разлика е во следното: Поликристалните модели се поевтини, но од друга страна имаат помала ефикасност. Монокристалните се поскапи но од друга страна имаат поголема ефикасност, додека аморфните панели се најевтини но како што можеме за заклучиме и најнеефикасни модели. Кога велиме ефикасност мислиме на трансформацијата на сончевата енергија во електричната енергија.
Монокристални Si панели
Како што веќе рековме овие панели се најефикасни панели – 1 m2 од овој тип може да произведе помеѓу 140 W – 200W електрична енергија од 1000 W/m2 сончево зрачење.
Поликристални Si панели
1 m2 од овој тип на панел може да произведе помеѓу 120 W – 160 W електрична енергија од 1000 W/m2 сончево зрачење. Производството на овие панели е економски поисплатливо за разлика од монокристалните панели.
Аморфни Si панели
1 m2 од овој тип на панел може да произведе само 50 W електрична енергија од 1000 W/m2 сончево зрачење. Дебелината на слојот кој што се нанесува изнесува помалку од 1μm. Овие ќелии масовно се користат во производство на сатови, дигитрони или некој други апарати.
Компанијата ЕКО-БИОФОРУМ ДОО во понуда има различни типови на соларни модули :
- Мултикристални соларни модули од продажниот асортиман на Sole, Kyocera и SCHOTT
- Монокристални соларни модули од продажниот асортиман на Sole, Kyocera и SCHOTT
- Дополнителна опрема за ефикасно искористување на сончевата енергија
2 Comments
Игор
Дали некој пресметал колку се исплатливи соларниве модули доколку цената на електричната енергија која се откупува од нив е економска, односно нешто пониска од онаа што ја плаќаат граѓаните?
Димески Звонко MFC-SOLAR
Здраво
Неколку пати напоменав во моите постови дека за користење на соларните фотонапонски системи за домашна употреба ( домашна тарифа на струја ) НЕ СЕ ИСПЛАТИ т.е поевтина е струјата од ЕВН . И тоа заради чувањето на добиената ел.струја во акумулатори .Акумулаторите и придружната електроника го поскапуваат произведениот киловат ел.струја .
Но ,во доменот на индустриската тарифа , значи за индустриски постројки , кои патем се сите, од дукани , стоваришта , хотели , мотели ,кафеани и да не набројувам , поставување на соларни фотонапонски системи СЕ ИСПЛАТИ !!! Индустриската тарифа е двојно поголема од домашната…
А онаму пак каде нема никаков приклучок за ел.струја , поставување на вакви системи е во секој случај исплативо , ап и за домашна употреба.
Поздрав и секое добро