Во минатите неколку текстови, зборувавме за тоа на што треба да внимавате кога купувате нова ПВЦ дограма. Денес ќе се обидеме да објасниме која е разлика помеѓу различни видови на ПВЦ профили. Како што веќе знаете или пак сте слушнале, на пазарот можеме да најдеме различни видови на ПВЦ прозорци – трокоморни, петокоморни, шестокоморни, а во последно време можат да се најдат осмокоморни ПВЦ профили. Доколку во предвид ја опфатиме и тематиката на квалитетот и цената на овие прозорци, изборот на адекватен ПВЦ прозорец не е лесна работа.
Првина да се вратиме еден чекор наназад – од што се прават ПВЦ прозорците? Овие прозорци, во основа се изработуваат од поливинил хлорид и од разни други додатоци/адитиви кој што се додаваат за да се подобрат техничките карактеристики на овие прозорци. Голем број на потенцијалните купувачи на ПВЦ дограма не ги познаваат карактеристиките на овие производи, па се надевам дека овој текст ќе ги информира не само потенцијалните купувачи, туку и продавачите на овој производ.
Трокоморен ПВЦ профил
Овој вид на профил е најзастапен на Македонскиот пазар, но во земјите на ЕУ, овој профил се постепено повлекува пред петокоморните профили. Квалитетните трокоморни профили се одликуваат со квалитетен дизајн и со одлични термички карактеристики. Отворите за проветрување на внатрешноста на прозорците и за одвод на кондензираната вода се наоѓаат во преткоморите, со што се заштитува термичката и звучната изолација. Металните зајакнувања се поставени во внатрешноста на пластичните профили со што се гарантира цврстината, стабилноста и долготрајноста на овие прозорци. На овој профил може да се постави различен вид на стакло со различни дебелини. Лајсната за стакло се поставува од внатрешната страна на прозорецот.
Петокоморен ПВЦ профил
Овој вид на профил доаѓа со ширина од 71 mm. Иако се поскапи од трокоморните ПВЦ профили, парите се враќаат преку заштедите на топлинската енергија. Основните карактеристики на овој вид на профил се:
UV вредност 1,3 W / м² К
Звучна изолација до 44 dB (SSK)
Водено пропусност 9А (600 Pа)
Шестокоморен ПВЦ профил
Покрај трокоморните и петтокоморните ПВЦ профили на пазарот можат да се најдат и шестокоморни профили. Овие профили се пред се наменето за оние купувачи кој што имаа поголеми барања во поглед на термичките карактеристики на прозорците. Ширината на овие прозорци изнесува 76 милиметри. Основните карактеристики на овие ПВЦ профили се:
UV вредност 1,1 W / м² К
Звучна изолација до 47 dB (SSK)
Водено пропусност 9А (600 Pа)
One Comment
goce
Predrag ne e taka kako sto e napisano tri kooren profil veke tesko se naojga i na makedonskiot pazar . A pet komorniot e so gradezna sirina od 70 mm , sest komorniot go ima so gradezna sirocina od 90 mm . No sepak jas gi gledam rabotive od drug apekt . Jas imam firma za proizvodstvo na PVC stolarija i kaj nas ima problem so ” neuki ” musterii koj lesno podlegnuvaat na izmamata od nasite kolegi koj i nudat dvanaeset komorni profili sto e stvarno zalno za niv . Jas sekogas se trudam da im go objasnam toa sto najmnogu i odgovara i sto mozat da dobijat za nivnite pari . No sekogas ne e resenie da se namesti 5 , 6 ili ” 12komoren ” profil ko nikoj ne obraka vnimanie na stakloto koj e 75% do 85% od otvorot na eden prozor , site mi velat e sto ima toa veza staklo e staklo vazno e da se glede niz nego . ZALNO