Перко Милинковиќ од Долен Драгаљевац место покрај Бијељина, пред околу седум години ја патентираше својата иновација под име „Ротор за погонска машина на ветер“. До денес не пронајде начин да ја материјализира својата иновација во Босна и Херцеговина.
Милинковиќ е по професија шнајдер, а со години живееше во Австралија, каде што имаше своја фарма. Денес, како пензионер живее со својата сопруга во родното село. На имот согради фамилијарна куќа во австралиски стил на градба, а во дворот ја постави својата иновација.
„На својата фарма во Австралија, сосема случајно ја осетив силината на ветерот. Се зачудив на силината која што ја покажа на едно парче на лим, па одлучив да направам систем, кој што ќе ја искористи оваа моќност. Направив седум пробни машини, но ниту една од нив не се покажа како што очекував. Но оваа машина има висока ефикасност во искористувањето на ветерот, па одлучив да ја патентирам.“, изјави Перко Милинковиќ. Тој додава дека овој систем е поинаков од другите системи, кој што се познати.
Иако е како што рековме, шнајдер по професија, сам го направи првиот прототип, машина која се уште нема практична примена. Од алат имаше обична брусилица, апарат за варење и друг ситен алат, но тоа не го спречи да направи ротор, кој што има голема излезна моќност – може да произведе и до 15 kW електрична енергија.
Тој истакнува, дека најголемиот проблем беше тоа како да се реши вкрстувањето на осовините кој што ги носат перките. Својата иновација, Милинковиќ ја заштити и во Словенија. По поднесувањето на пријавата во март 2004 година, а во октомври 2005 година неговата иновација е патентиран во Министерството за стопанство и во Агенцијата за интелектуалната сопственост на Република Словенија
До сега Перко имаше добивано понуди за откуп на патентот, но Милинковиќ се уште не го има продадено. Секоја година, редовно го плаќа одржувањето на патентот и се надева на реализација на проектот. „За жал тоа кај нас тешко иди. Да останав во Австралија можеби ќе беше нешто направено. Американците мојата иновација ја проценија на 4,7 милиони долари, а во Воздухопловниот завод „Орао“ во Бијељина го проценија на милион евра.“, изјави Перко Милинковиќ.
Извор: dw.de
2 Comments
Митко
… и сеуште да си го чува патентот, можеби некој Марсовец ке му даде милион односно 4,7 милиони долари за смешен “патент”. Очигледно ке остане шнајдер до крајот на животот со таков став. Никола Тесла имал револуционерни патенти за човештвото но умре сиромашен!
Подобро полна 100mL чаша отколку празно 1L шише.
Зоран
Ставот му е исправен, само не си свесен колку е сложен мисловниот процес и вложениот интелектуален труд за да дојдеш до нешто што е оргинално и воедно подобро од се досега постоечко. Ваквиот тип на работа не е нешто што го може секој и за истата е потребно безусловно посветување. Секако очигледно е дека не знаеш за таков тип на работа, а не си размисли и колку е вносна нејзината практична примена . . . едно подобрување од 2-3% на искористувањето на ветровиот потенцијал се мери со милјони евра во тек на самo една година. Продавањето на ваква иновација за милион евра или 4,7 милиони долари е смешно. За крај рецептот за производство на кока-кола иноваторот го продал за $2,300, а сега повторно уклучи го мозокот и запрашај се до каде стигнал тој што го откупил рецептот и што постигнал иноваторот во животот освен што направил една фамилија да е екстремно богата во светсти рамки 🙂