„Strawberry” дрво јавен полнач за мобилни телефони

На натпреварот за најдобра  иновација од областа на обновливи извори на енергија, одржано од страна на Европската комисија, проектот „Strawberry” дрво освои прво место. Изумители на „Strawberry” дрвото е група на студенти од Белградскиот универзитет. Всушност, „Strawberry” дрвото претставува јавен соларен полнач на батерии од мобилни телефони. Овој изум е прогласен како најдобар во категорија на намалување на јавната потрошувачка на електричната енергија.

„Strawberry” дрвото е изложено во близина на зградата на Европскиот парламент. Соларниот полнач има облик на дрво, а околу носечкиот столб поставени се клупи за седење. Првото „Strawberry” дрво е поставено во Обреновац, а за првите 40 дена преку 10.000 луѓе го користеле. Овој полнач ја користи соларната енергија за производство на електрична енергија. Истата ја складира во акумулатори и се искористува за бесплатно полнење на батерии на мобилните телефони. На „дрвото“ се инсталирани 16 приклучоци за полнење на батерии на мобилните телефони, од скор0 сите водечки производители на истите.

Извор: Еко баланс