„Throughout human history, we have been dependent on machines to survive. Fate it seems is not without a sense of irony. The human body generates more bio-electricity than a 120-volt battery and over 25,000 BTU’s of body heat. Combined with a form of fusion the machines have found all the energy they would ever need. There are fields, endless fields, where human beings are no longer born, we are grown“.
Доколку на некој не му текнуваат овие зборови, се работи за зборовите на Морфеус во филмот Матрикс, објаснувајќи му на Нео, што се случи со човештвото. Но ние во овој текст нема да Ви го прераскажуваме Матрикс, или пак неговите филозофски пораки на филмот, туку пак за идејата/можноста која што е спомната во дијалогот – човечкото тело да стане искористив извор на енергија. Па да ли е ова можно или не?
Според некои истражувања кој што се направени, човечкиот организам произведува околу 100 W енергија и тоа додека одморуваме. Кога работиме можеме да произведеме помеѓу 300 – 400W енергија, а додека имаме поинтензивни физички напори, на пример додека трчаме или пак кога вежбаме во теретана (прочитајте го следниот текст), човечкиот организам може да произведе и до 2000W. Голем дел на вака произведена енергија, се искористува за самите потреби на организмот – работење на срцето, мускулите…. додека другиот дел на енергијата се трансформира во топлина.
Доколку ја искористиме вкупната изгубена енергија создадена од страна на нашите организми таа би можела да ја замени енергијата добиена од страна на сите батерии. Значи буквално како во филмот Матрикс, каде што машините за да можат да функционираат ја користат човечката енергија. Доколку ја искористиме оваа енергија се елиминира потребата за батерии – мобилните телефони, лаптопи ќе се напојуваат од страна на нашиот организам.
Инженерите веќе работат на технологијата која што ќе ја собира нашата енергија. Така на пример во Шведска, централната станица во Стокхолм користи топлински изменувачи, кој што топлината на патниците ја претвора во жешка вода која што понатаму се префрлува во соседната зграда. Ваков пристап може лесно да се искористи во шопинг молови или во големи супер маркети. Она што тука треба да се пресмета е колку енергија можеме да извлечеме од човечкиот организам без негативни последици по самиот човек.