Топлотната пумпа е уред кои ја апсорбира топлотната енергија од една локација и ја преместува на друга локација (зграда ). Топлотната пумпа работи како и фрижидер. Основната разлика е во тоа во која насока се реализира насочување на топлотната енергија. Основната цел на топлотната пумпа е автоматски да ја одржува температурата во соодветен опсег во одреден објект во текот на годината, без разлика дали се работи за греење или ладење.
Принципот на работењето на топлотната пумпа е многу едноставен. Геотермалната пумпа ја користи енергијата на почвата и подземните води за да ги лади или грее објектите. Топлотните пумпи не произведуваат енергија! Самата топлотната пумпа не функционира доколку не е приклучена на некој извор на енергија. Работењето на топлотната пумпа е автоматизирано и се вбројува во најсигурни системи за греење и ладење.
Самото користењето на топлотните пумпи е еколошки прифатливо, бидејќи има нулта емисија на штетни гасови. Единственото загадување, кое може да биде вклучено во самиот процес на работење на топлотните пумпи е доколку топлотната пумпа употребува електрична енергија добиена од термоцентрали на јаглен.
Покрај еколошката прифатливост на топлотните пумпи, тие се и енергетски ефикасни. Имено, за да се пренеси енергија од една просторија во друга, на топлотната пумпа ќе ѝ биде потребно само околу 1/3 од вкупната пренесената енергија. Енергетската ефикасност на топлотните пумпи се мери преку коефициентот на перформанси (COP). COP претставува однос помеѓу вложената енергија и енергијата добиена на излезот. Колку е вредноста на COP поголема, толку подобро. За топлотната пумпа овој коефициент изнесува помеѓу 3,5-4,5.
На крај можеме да заклучиме дека топлотните пумпи се економски и еколошки прифатлив избор како за ладење така и за греење на објектите. Единствена пречка за нивното масовно користење, покрај неинформираноста на граѓаните, е и нивната релативно висока цена за македонски услови.
2 Comments
Ljupco Palevski
Zosto ne gi informirate lugete deka toplotnata pumpa nemoze da proizvede toplina na vodata vo sistemot za greenje pogolema od 45 stepeni, kolkav e pritisokot na kompresorot, negovata potrosuvacka vo kw i slicno. Deka Vi treba elektricno kotle ili kotel na pelleti za da ja dogree vodatat i slicno.
OVAKA IZLAGA DEKA ILI NE STE ISKRENI I IMATE ZADNI NAMERI, ILI NEMATE POJMA OKOLU ZATOPLUVANJETO NA STANBENI OBJEKTI
Предраг Стојковски
Здраво Љупчо,
Најпрвин благодарам на коментирањето. Но она што паѓа во очи во Вашиот коментар се неколку работи – очигледно е дека во не го прочитавте текстот во целост. Бидејќи да го прочитавте текстот ќе забележавте дека во статијата пишува дека Топлотната пумпа не произведува енергија! Според логиката ако не произведува енергија не ќе може ни да произведува ни топлина.
Остатокот на Вашиот коментар нема ни да го коментирам оти очигледно е дека со Вашиот коментар имате намера да ја промовирате Вашата компанија или некој Ваш производ, и немам ништо против но доколку сакате да се рекламирати контактирајте не на нашиот маил за да се договориме околу условите на рекламирањето.
Поздрав и секое добро!