Полека се приближуваме кон крајот на изработката на соларниот колектор за топла вода. Денес ќе зборуваме за транспарентниот покрив како и за поставување на Л-профилите. Улогата на транспарентниот покрив е да ги намали топлинските загуби на самиот колектор како и истиот да го заштити од дожд, снег и други надворешни појави кои што можат да го оштетат самиот соларен колектор. Исто така, ќе ги подготвиме алуминиумските Л-профили кои што ќе се постават на самото куќиште на колекторот.
За самиот покрив ќе употребиме поликарбонантна плоча. Оваа плоча е идеална бидејќи ефикасно ја задржува сончевата светлина, лесни се, но во исто време се доволно јаки и нема така лесно да се скршат. Улогата на Л-профилот е да го „запечати“ колекторот и на таков начин да го заштити колекторот од влажноста.
Материјалот што ќе нѝ биде потребен за оваа операција е:
- 1 поликарбонантна плоча 2000х1000х4 mm
- 1 алуминиумски Л-профил 20х20х1000 mm
- 2 алуминиумски Л-профил 20х20х2000 mm
- Шрафови за дрво 20х4 mm
Алати кои што ќе нѝ бидат потребни се:
- Скалпел
- Пила за метал
- Борер за метал Ø 4,5 mm
- Електрична бушилица
- Селотејп (широк)
- Силикон и пиштол за силикон
Прво што треба да направиме е да ја положиме плочата на самото куќиште на колекторот за да ги прилагодиме димензиите на плочата со димензиите на самиот колектор. Од кога ќе ги прилагодиме димензиите на плочата, на истата ги поставуваме алуминиумските Л-профили, исто така за да ги прилагодиме димензиите на овие профили со димензиите на самата плоча.
Од кога ќе ги прилагодиме димензиите на плочата и на алуминиумските профили пристапуваме кон завршната фаза на затворање на соларниот колектор. Еве како тоа изгледа:
Плочата ја составуваме со куќиштето со помош на силикон. Силиконот не го нанесуваме на дрвената рамка туку на самите рабови на плочата која што ќе легне на колекторот. Исто така, силиконот ќе го нанесеме и на самите Л-профили кои што ќе ги поставиме врз плочата. Л-профилите ќе ги прицврстиме со помош на шрафови.
И воала, го составивте вашиот соларен колектор за топла вода. Ви останува само да го поставите на Вашиот кров и истиот да го приклучите на системот за топла вода!
*Текстот и сликите се преземени од следната брошура: Приручник уради сам соларни колекто
р
12 Comments
ice
koja e cenata da se napravi eden vakov soncev kolektor
Предраг Стојковски
Здраво Ице,
Цената на овој колектор се движи околу +/-3,000 денари
ice
Dali e efikasno da se napravi ovoj kolektor, mislam dali ke gi zadovoluva potrebite za zatopluvanje na voda.
Предраг Стојковски
Здраво Ице,
Овој колектор може да го замени проточниот бојлер во кујната.
pero
zdravo.jas sakam nekoj takov da napravam,eftin.kako moze da go vidam.pozdrav.pero.kavadarci
Kuzmanovski Zoran
Molba do vas da mi kazete od kade mozam da ja nabavam POLIKARBONATNATA PLOCA ili bi ve zamolil da mi dadete od nekade upatstvo kako da ja napravam sam. Blagodaram odnapred.
Предраг Стојковски
Здраво Зоран,
Пробај овде да најдиш поликарбонатни плочи
Поздрав и очекуваме фотографии од направениот колектор 🙂
Димески Звонко ; мфц-солар
Ке ми дозволите една мала исправка на Вашиот концепт за соларниот панел.
Велите дека се употребува поликарбонантна плоча , односно lexan , соред линкот . Поевтиниот ликсан е УВ незаштитен , па по неколку години ке ги изгуби својствата на пропусност на топлина и светлина и ке почне да се распаѓа .Но и за другите типови даваат максимална 10 годишна гаранција. Мој совет е да е користи или обично стакло ,кое е повтино но и покршливо или пак калено стакло , кое е поскапо , потешко се наоѓа ( го произведува фирма во Прилеп ) но е многу поизджливо и не се менува со текот на годините.Цената е околу 25 евра од метар квадратен. Да напоменам дека и оргиналните соларни панели за топла вода се прават со вакво стакло.
Поздрав и секое добро
Kire
Zdravo. Dali pri priklucuvanjeto na sistemot za topla voda treba da stavi nekoj sigurnosen ventil ili nesto slicno, zaradi pregrevanje na vodata?
Предраг Стојковски
Здраво Кире,
Да теба да се постави сигурносен систем. Бидејќи туторијалот што го објавивме е преземен од босанскиот туторијал за изградба на сончев колектор, би сакал да те насочам на страната бр.40 каде што е детално опишан сигурносниот систем.
Kire
Ти благодарам Предраг. Поздрав
dejan
zdravo me interesira dali moze da se napravi solarniot panel so creva za parno povrzuvanje toa sto e so aluminium i plastika i da se napolni sistemot so antifriz
odnapred blagodaram