Министерството за економија денеска организира јавно извлекување на лицата кои ќе го остварат правото на надомест на дел од трошоците направени за купен и вграден соларен колектор во своето домаќинство, по четвртиот повик за надоместување на дел од трошоците за купување и вградување на соларни колекторски системи во домаќинства за 2012 година.
Овој повик траеше до 31 мај, а за негова реализација се предвидени 6 милиони денари.
Од сите пристигнати апликации во рокот, како што соопшти Министерството за економија, со јавно извлекување на транспарентен начин, ќе бидат определени оние кои ќе добијат надомест од 30 отсто од направените трошоци, но не повеќе од 300 евра.
Секој барател, кој има доставено барање за надоместување на дел од трошоците има право, доколку сака, да присуствува на јавното извлекување што ќе се изврши во малата сала на СЦ „Борис Трајковски“ во Скопје.
Досега се субвенционирани вкупно 1.420 домаќинства (2007 и 2009 година по 500 домаќинства, а во 2011 година 420 домаќинства). За оваа намена досега се исплатени 21.869.672 денари од буџетот на Република Македонија.
Извор: СИТЕЛ
6 Comments
biljana
dali ne ima izvleceno za subvencii na solarni kolektori na ime tosor musev
Предраг Стојковски
Здраво Биљана,
Одговорот на Вашето прашање може да го даде Министерството за економија, кое што го има организирано оваа извлекување.
Продолжете и понатаму да не следите!
Игор Мишевски
Целосната листа на добитници на субвенции може да ја погледнете на следниот линк
https://economy.gov.mk/files.php?force&file=dokumente/solarna/Lista_Solarni_162134379.pdf
Martin
од 2013 година ги имате ли резултатите од добитниците (листата).
Предраг Стојковски
Здраво Мартин, се уште немаме информации во врска со добитниците на субвенцијата. Чим ги добиеме истите ќе ги објавиме.
Поздрав!
borce gorgiev
dali tie sto ne se dobitnici od segasnoto izvlekuvanje ke mozat pak da konkuriraat za subvencii