Пред да почнам да го пишувам овој текст размислував во која категорија да го ставам. Со оглед дека не блогот немаме категорија „верувале или не” текстот ќе 0ди под категорија обновливи извори. Просто е за неверување дека едни од првите пионери во користењето на обновливи извори не се наоѓаат во некои од големите центри како Скопје или Битола туку во едно село буквално на крајот од Македонија во една непозната општина (барем за мене до пред некој ден).
Имено, таму се наоѓа првото училиште кое е напојувано од соларно фотоволтаични панели. Основното училиште „Видое Подгорец” во с.Колешино е гордост на целата општина Ново Село. Со помош на УСАИД беше инсталиран фотоволтаичен систем. Системот се состои од 56 соларни панели на покривот на училиштето и контролна соба сместена во училиштето. Со системот се произведува електрична енергија која се користи за сите потрошувачи во училиштето како компјутери, осветлување и останати потрошувачи на електрична енергија.
Како додаток на тоа се осветлува и училишниот двор и спортското игралиште. Исто така вреди да се спомене дека општина Ново Село формира т.н.„Образовен фонд” каде ќе се собираат сите заштеди кои ќе се генерираат со овој систем и истите ќе се наменат за подобрување на образованието во нивната општина. Сето ова е еден одличен пример на соработка меѓу локалната власт и образовните институции и одличен пример за користење на странските фондови кои се достапни за сите.
2 Comments
Анонимен
Мислам дека имаше сличен проект и во Кочани во едно средно или основно училиште, пред две години. Идејата е одлична само проблемот е што стартната инвестиција е скапа, меѓута со добро планирање може да се реализира во повеќе училишта. Тука секак Владата мора да направи програма за оваа тема, бидејќи ваквите проекти (за разлика од некои други „ивестиции“) од самиот момент даваат заштеда на буџетот на училиштето, а со тоа директно на Буџетот на Р. Македонија.
Она што мене лично ме интересира е затоплувањето во училиштата, кое сега се одвива најчесто на нафта што генерално е неефикасно и нееколошко затоплување. Затоа можеби би било интересно да се одвои некој натпис за токму оваа тема.
Поздрав
Ace
Стартната инвестиција е нависитна голема за фотоволтаици и е релативно неисплатливо освен ако не ја продаваш произведената електрична енергија на државата по субвенционирана цена. Е сега за затоплувањето на училиштата е тука е сосема друга работа. Речиси 100% од училиштата се грејата на нафта или мазут и користат неефикасни котли. Би резуртирало со големи заштеди при замена со нови и поефикасни котли. Инвестицијата би се вратила за неповеќе од 3 години. Како да е сигурно ќе има некој напис за оваа тематика во блиска иднина.