Денес почнува ТЕХНОМА – 37. Меѓународен саем на металургија, електроника, енергетика, неметали, градежништво, обезбедување и заштита

Од денес па до 22 октомври по триесет и седми пат се одржува саемската манифестација Технома. На саемот ќе бидат присутни 900 учесници од земјата и странство, а се очекува над 48.000 посетители. Посебен групен настан ќе имаат повеќе од 40 италијански компании. Настапот на италијанските компании, наречен Еко биз експо, е во организација на „ФДЛ сервизи” од Бари, носител на АМИКО проектот. Покрај компаниите од Италија организиран настап ќе имаат и 25 компании од Словенија и 25 компании од Грција. Акцентот на саемот е ставен на обновливите извори на енергија, за што има се поголем интерес од страна на изложувачите.

Партнер на манифестацијата е словенечката М-Лан солар, која ја има изградено и пуштено во употреба сончевата електрана, поставена на кровот на Управната зграда на Скопски саем.

За време на траењето на Технома 2011 ќе се одржат и мани манифестации: Макинова 2011 и Еконова 2011 на кои покрај македонските учествуваат и иноватори од БиХ, Србија, Египет, Иран, Украина,Тајван.