Иако оваа година е последна од можноста за поднесување на проекти во Македонија во рамките на Кјото протоколот, сепак добро е малку повеќе да се објаснат работите со цел да не се пропушти следната шанса!
Протоколот од Кјото е протокол на Рамковната конвенција за климатски промени на Обединетите нации (UNFCCC или FCCC) за борба против глобалното затоплување. UNFCCC е меѓународен договор за животната средина со цел за постигнување на “стабилизирање на концентрациите на стакленички гасови во атмосферата на ниво што ќе се спречи опасно антропогенско мешање со климатскиот систем.” Протоколот беше првично усвоена на 11 декември 1997 година во Кјото, Јапонија, а стапи во сила на 16 февруари 2005 година. До септември 2011 година, 191 држави го потпишале и ратификувале Протоколот, додека единствении потписнички кои не го ратификува протоколот се Соединетите Американски Држави.
Целта на овој Протокол е развиените земји (т.н. “земји од Анекс I”) – 37 на број да се заложат за намалување на четирите стакленички гасови (greenhouse gasses) (јаглерод диоксид, метан, азотен оксид, сулфур хексафлорид) и две групи на гасови (hydrofluorocarbons или HFC и perfluorocarbons) со цел борба со климатските промени. Во преговорите, Анекс I земјите заедно се согласија да ги намалат нивните емисии на стакленички гасови за 4,2% (5,2% вклучувајќи ги и САД) во просек за периодот 2008-2012 година.
Во рамки на протоколот се дефинираат три “флексибилните механизми”, кој можат да се користат од страна на Анекс I земјите во исполнувањето на нивните обврски за огранилување на емисијата на стакленички гасови и тоа: Меѓународна Трговија со Емисии International Emissions Trading (IET), Механизмот за Чист Развој Clean Development Mechanism (CDM) и Заедничко Спроведување – Joint Implementation (JI).
За Македонија најинтересен е (беше) Механизмот за Чист Развој или Clean Development Mechanism, со кој секоја инвестиција во Македонија која заштедува јаглерод диоксид доколку се регистрира како CDM проект ќе добива јаглеродни кредити за секој заштеден еквивалентен тон на јаглерод диоксид. Јаглеродните кредити или карбон кредитите се единици со кои е означува заштеда т.е. елиминација на емисија на јаглерод диоксид CO2 и други стакленички гасови со што една единица на јаглероден кредит е еднаков на заштеда на емисија на еден еквивалентен тон CO2 (еквивалентен тон CO2 е релативна единица при што другите стакленички гасови се множат со нивната релативна опасност пр. еден тон CH4 е приближно еднаков на 21 tCO2 итн.)
Така на пример, ако се инвестира во проект кој во рок од 7 години ќе елиминира 100000 тони јаглерод диоксид, сопственикот на проектот ќе добие 100000 јаглеродни кредити, при што рокот на кредитирање може да се зголеми на уште двапати по 7 години (постои и еднократен период од 10 години). Цената на ваквите јаглеродни кредити се движат од 8 -30 долари по јаглероден кредит.
Македонија како не-Анекс-1-земја имаше одлична можност за секој проект кој има потенцијал за намалување на емисија на стакленички гасови да добие јаглеродни кредити. За жал, и покрај јакнењето на капацитетите на компаниите и консултантите на оваа тема, до денеска се поднесени само 10 (од потенцијални стотина) проекти од кој е одобрен само еден (види табела подолу). Подготвени се повеќе десетина PIN ( Project Idea Notes), спремени се неколку десетина PDD (Project Design Document) сепак реализацијата е многу слаба. Овој текст треба да биде само едно потсетување дека многу пати шансите се пропуштаат, и речиси никогаш не се враќаат. Затоа следната шанса треба да се биде поподготвен и поорганизиран.
Име на проектот | Статус | Методологии | Намалување на емисии tCO2eq годишно |
Rehabilitation of six HPPs in the Republic of Macedonia | Одбиен | ACM0002 ver. 6 | 202.344 |
Skopje Cogeneration Project | Регистриран | AM0029 ver. 3 | 61.851 |
Biomass-fed cogeneration plant in Kocani (Macedonia) | Во процедура | AMS-I.C. ver. 13 | 32.789 |
223 MWel Combined Cycle Power Plant (CCPP) Skopje | Во процедура | AM0029 ver. 3 | 706.392 |
Biomass-fed cogeneration plant in Kocani (Macedonia) | Во процедура | AMS-I.C. ver. 17 AMS-I.D. ver. 16 |
43.509 |
PCC Hydro Climate Conservation Macedonia | Во процедура | AMS-I.D. ver. 16 | 16.289 |
Macedonian Small Hydro Power Plants bundle | Во процедура | AMS-I.D. ver. 16 | 38.380 |
Bogdanci Wind Park 36.8 MW. | Во процедура | ACM0002 ver. 12 | 91.078 |
Macedonian SHPP Bundle III | Во процедура | AMS-I.D. ver. 17 | 43.219 |
Stip Wind Farm Project | Во процедура | ACM0002 ver. 12 | 168.383 |
Извор https://cdm.unfccc.int/Projects/Validation/index.html
4 Comments
Pingback: Луково Поле, да или не? | Mishevski
Pingback: Луково Поле, да или не?
Pingback: Дали азбестот од РЕК Битола ја убива Битола? | Mishevski
Pingback: Дали азбестот од РЕК Битола ја убива Битола?