Како да направите евтин ветрогенератор од стар флопи диск III

Продолжуваме со написите како да направите мини ветрогенератор. Во минатиот текст пишувавме за електронскиот дел на ветрогенераторот.

Понатаму што нѝ треба е продолжен УСБ кабел. Овој кабел го сечиме на пола и жиците од „женскиот“ дел на кабелот ги поврзуваме директно на излез на електрониката (десниот дел на шемата). УСБ кабелот има 4 жици. Меѓутоа нам нѝ се потребни само 2 жици, плус и минус 5V. Доколку сакате ветерницата да Ви користи само за полнење на батерии, можете да направите многу поедноставен електронски склоп. ВНИМАВАЈТЕ! Обавезно проверите го поларитетот и напонот (мора да биде помеѓу 4.9 и 5.3 V).

Сега што треба да направиме е да ги изработиме механичките делови на ветерницата. Потребно е да го направиме носачот на ветерницата и да ја направиме турбината (пропелерите). Носачот можете да го направите од алуминиумска цевка пречник 3-4mm. Доколку планирате од време на време да ја преместувате ветерницата, наједноставно е да го фиксирате носачот на ветерницата. Генераторот се најлесно прицврстува на носачот со помош на метелен Л профил. Ова зависи од тоа дали ќе користите хоризонтална или вертикална турбина. Доколку се одлучите за ветерница со хоризонтална осовина, можете да направите трокрак пропелер. За ова Ви е потребна една табла на лим 0.8×0.8m, дебелина 0.5mm. Исечете ги деловите како што е прикажано на сликата, а потоа со шрафови прицврстете ја турбината за степ моторот.

За ветерница со вертикална оска, наједноставно е да направите турбина од искористена пластична кофа. Исечете ја по средина, а потоа прицврстете ја на кружна плоча направена од дрво или пластика и на крајот прицврстете ја на степ моторот.

Кога ветерот има брзина од 10 m/s, оваа мини ветерница може да произведе струја од околу 5 W. Ова е некој максимум доколку го користиме степ моторот од флопи дискета. Снагата зависи и од тоа колкави се турбините и нормално од брзината на ветерот. Иако е моќност на оваа ветерница мала, таа сепак може без големи проблеми да го напојува лед осветлувањето (10-20 Hi-Power), или може без проблеми да Ви ја наполни батеријата на мобилниот телефон, доколку сте на кампување. Но она што е најважно е тоа дека доколку успешно ја направите оваа мини ветерница, тоа може да Ве охрабри да направите ветерница со поголема инсталирана моќност.

Сликите и текстот преземено од СОЛАРНА ЕНЕРГИЈА