Молк од сите страни за тоа дали државните и јавните институции редовно ги плаќаат сметките за електрична енергија и за парно греење. Ниту тие признаваат дали им била исклучена струјата, ниту од ЕВН кажуваат…
Во изминатиот период неколку институции останале без струја, бидејќи ЕВН Македонија ги исклучила поради неплатени сметки. Откако беше обелоденето дека меѓу нив се МОБ, Националната универзитетска библиотека „Свети Климент Охридски“ и ансамблот „Танец“, сите тие повторно беа приклучени на системот. Од ЕВН информираат дека до исклучувањето дошло, бидејќи тие не ја почитувале договорената динамика за плаќање на сметките, но дека сега проблемот е надминат. Сепак од Универзитетската библиотека денеска ни рекоа дека струја немало поради дефект кој настанал при вршењето градежни работи околу објектот.
Според опозициската СДСМ, сево ова е показател дека Владата работи неодговорно и дека во буџетот нема пари.
– Сега пред граѓаните има две вистини. Првата е таа на Владата, која вели дека сите дологови се подмируваат на време, дека во буџетот има пари и не е потребен ребаланс, и другата според која, не се плаќаат сметките во голем број институции, ни изјави Зоран Јовановски, потпретседател на СДСМ.
Телма дојде до информација дека изминатите недели без струја останало и дел од Министерството за земјоделство. Неколку компании ни испратија писмо, во кое се жалат дека не можеле да ги завршат административните работи за увоз, затоа што службениците во министерството неколку дена не оделе на работа. Причина била исклучената струја во објектот на министерството за земјоделство. Од таму велат дека во нивните простории имало поплава, но струјата не била исклучена и немало никаков застој во работењето.
Различните министерства даваат различни информации во однос на тоа кој е одговорен за неплатените сметки. Додека од министерството за култура информираа дека имало застој во исплатите од страна на министерството за финансии, од финансии тврдат дека и во министерството за култура и во сите останати институции редовно префрлаат средства за плаќање на сметките за струја.
Извор: ТЕЛМА
2 Comments
Никола
kaj be za vakva vest najdovte mesto i sto ima vrska toa kako vladata si plaka smetki… so energetskata efikasnot vo svetot makar i da kasnela… ova samo dava vpecatok deka zavzemate strana od politickite blokovi huhuhuhuhuhu… redovno go posetuvam vasiot sajt i so ovaa dobronamerna sugestija bi predlozil da ne se zanimavate so vakvi prasanja.. so najdobra namera vi ja isprakam ovaa poraka pozd Nikolce
Aleksandar Atanasovski
Енергија, енергетика, енергетска ефикасност….се се тоа поврзани области кои ги покриваме. Тоа што институциите не си ги плаќаат сметките и што и ние напишавме пост за тоа нема врска со заземање политичка страна. Државата плаќа струја не со свои пари туку со пари собрани од сите нас и секој од нас има право да знае како се трошат тие пари во овој случај за сметките за електрична енергија. Министерство за финансии вика дека им префрлило пари, институциите викаат не немаат префрлено пари, ЕВН вели нас никој не ни плати. Некој или лаже или неодговорно троши пари кои се наменети за сметки за електрична енергија. Ова не е заземање став ова е само пренесување на изјави и на фактичката состојба….Ако веќе инсистираш на разгледување на состојбата од агол на енергетска ефикасност ај да видиме колку струја трошат по објект институциите и да дискутираме за тоа. Или и тоа би било заземање на политички став? Колку домаќински се троши електричната енергија во институциите или и тоа е политички став 🙂