Полека пристигнува зимата, луѓето се спремаат за грејната сезона. Тоа можете да го осетите не само по ладното време што полека пристигнува, туку и по звукот на моторната пила што го сече огревното дрво. Но, покрај тоа што се одлучувате со што ќе го догревате вашиот дом во зимската сезона, размислете што можете да направите за да ги намалите топлотните загуби во вашиот дом. Најефикасниот начин на намалувањето на топлотните загуби е замена на дограмата. Она што ги плаши луѓето е што овој вид на интервенција е истовремено и скапа инвестиција. Од друга страна, со инсталирањето на квалитетна дограма ќе ги намалите топлотните загуби и до 30%, што морате да признаете не е мала работа.
Една од главните дилеми, кога купувате нова дограма е каков вид на дограма да пазариме – ПВЦ или алуминиумска дограма? Тука намерно не ја спомнувам дограмата направена од дрво бидејќи овие два материјали се најактуелни. За дрвената дограма ќе зборуваме во посебен напис.
Пред да се одлучиме каков вид на дограма да пазариме, да се запознаеме со основните карактеристики на ПВЦ и алуминиумска дограма.
Прво што е тоа ПВЦ материјал?
ПВЦ е кратенка од поливинил – хлорид и претставува производ кој што се добива со преработка на нафта или од природен гас. Хемиската формула е CH2 – CH2. Овој материјал дополнително се меша со други материјали или таканаречени филтри. Причината за дополнително мешање со други материјали е бидејќи така материјалот станува полесен за дополнително обликување. ПВЦ е една од ретки пластики која во себе содржи хлор, што поради тоа има висока точка на топење. ПВЦ исто така може дополнително да се рециклира. Како нуспроизводи на оваа рециклажа се јавува хлороводородна киселина и корозивен гас. Поради ова цената на ПВЦ материјалот е релативно ниска.
Дали е ПВЦ штетен?
Самиот материјал во себе содржи одредени материјали кои се класифицираат како канцерогени. Како што рековме, за да може да се обликува, во ПВЦ дополнително се додаваат одредени модификатори. Овие модификатори се всушност соли од одредени тешки метали, како што се бариум, кадмиум, калај и олово. Исто така, дополнително се додаваат и одредени филтри како што е калциум карбонат. Овие додатоци имаат задача да го подобрат квалитетот на ПВЦ дограмата. Нивното учество во вкупната маса на дограмата оди до максимум 1%.
Алуминиумска дограма
Основната предност на алуминиумска дограма е таа што има голема постојаност на самиот облик. Оваа карактеристика е битна кога се работи за големи прозорски рамки. Оваа дограма не старее и е лесна за одржување. Една од основните мани на алуминиумска дограма е голема топлинска спроводливост. Но и ова може да се реши со прекинувањето на термичкиот мост – таканаречени термо профили, но ваков вид на дограма е далеку поскап. Исто така, алуминиумот кородира, па е неопходна дополнителна заштита.
На крај, дали ќе се одлучите за ПВЦ или алуминиумска дограма изборот е ваш. Најдобро е да видите кај некој кој веќе има вградено ПВЦ или алу – дограма и да ги слушнете нивните искуства и врз основа на тоа да донесете одлука за вашата нова дограма.
6 Comments
zarko
текстов требаше да ни даде показатели што да купиме а не да идеме кај комшиите и на трач-муабети да донесеме одлука. за сите материјали има коефициенти, карактеристики и сл. така да да сте се потруделе ќе сте дале одговор на прашањето од насловот!
Предраг Стојковски
https://www.pvcinfo.be/bestanden/Baldasano%20study…
Dejan
"Исто така, алуминиумот кородира, па е неопходна дополнителна заштита."
Можеби и треба малце да се распрашате по некој поискусен човек или да пребарате малце по нет да добиете одговори.
*Алуминиум НИКОГАШ не кородира (освен ако е мешан т.е. легура со друг метал) што не се користи за дограма.
Предраг Стојковски
Алуминиумот кородира, но за разлика од други метали како на пример бакар тој е доста поотпорен на корозија. На воздухот алуминиумот одма се прекрива со слој на оксид дебелина од околу 0,001 милиметар. За да биди уште поотпорен на корозија тој се елоксира – електрохемиски процес на анодна оксидација.
Анонимен
Од моето искуство кога барав нови прозорци за дома, научив дека ПВЦ прозорцните се многу подобри во однос на изолацијата и пропуштањето на воздух низ нив. Тоа е поради фактото што при изработка на прозорци пластиката ПВЦ полесно се обликува и се подобро се "лепи", па поради тоа и многу подобро "дихтува", иако знам дека тоа не е македонски збор.
Алуминиумот при изработка на прозорците се сече што е можно попрецизно, но кога ќе се состатавт елементите на едно крило од прозорецот, никогаш нема да легнат идеално помеѓу себе.
Од поискусните во оваа област добив и совет како може да го проверите сево ова за полесно да донесете одлука. Земете две крила на прозорци, едниот алуминиумски и другиот од ПВЦ. Поставете ги хризонтално и наполнете ги со вода. Се очекува дека алуминиумскиот прозорец побрзо ќе пропушти вода од другиот.
Се разбира дека ова не треба да биде единствениот показател за да донесете избор, но се надевам дека барем малку ќе помогнам во донесувањето на одлуката.
stefan
Јас имам дома алуминисумски позори од скопскиот алуминиум татко ми сакаше да не се мачел да фарба дрвенарија (беше тоа 2000г.). Се е ОК ама едно КОНДЕЗАТ абе да не речам зимно време не грееме нонстоп (кога сите сме на работа) река тече инаку не се со термо мост, друга работа кај спојот се гледа дека не езалиен и како острица од ноз има процеп, но најголема мана кондезатот и летно време како грелка е, зимно време зрачи ладно катастрофа за по дома не ви советувам алуминиум освен мозеби некој експлузивни или некој посебен бренд каде се внимавало на овие недостатоци имаше едни надвор алуминиум а внате дрво. и сметам дека при поголеми темп. варијации двото е ок