Соларен шпорет

Можеби насловот ве збуни – „Соларен шпорет“ ајдеее. Знаеме дека соларната енергија можеме да ја искористиме за добивање на топла санитарна вода и за добивање на електрична енергија. Па од каде сега соларен шпорет и како тој функционира.

Пред неколку недели на Vimeo, најдов едно интересен видео под име „Соларна рерна“. Видеото беше поставено од страна на Пантер Дивљи од Панчево, Србија. На видеото беше покажано како соларната енергија може да се искористи за готвење, буквално како шпорет. За таа намена има направено еден уред кој ја користи соларната енергија за готвење. Авторот на ова видео и овој уред го контактирав и ми испрати еден туторијал/прирачник за тоа како го има направено овој уред.

Функционирањето на овој уред може да се спореди со на сите познатиот пример на паркиран автомобил кој што долго време стои на сонце. Надвор е на пример 35 степени, а во самиот автомобил може да има и преку 50 степени. Значи температурната разлика е преку 15 степени.

Соларниот шпорет функционира на ист начин, како и примерот со колата, но истиот собира поголемо количество на сончево зрачење бидејќи се работи за помала површина. Постои голем избор на веќе постоечки облици кои што се користат за соларен шпорет.  Изборот на обликот зависи од географската позиција, од тоа колкава температура сакате да постигнете, како и од тоа колку пари ќе издвоите за овој експеримент или проект.

Слика бр.1: Бидете внимателни – садот кој што ќе се загрева треба да биде во самиот центар. Ова е поради фактот дека садот треба директно да ја добие сончевата светлост + сончевата светлост која што ќе се одбива од површината пред садот + светлоста која ќе дојде зад садот + светлоста која ќе дојде од лева и десна страна која се наоѓа под агол од 45 степени. На ваков начин (паметен дизајн) треба да го добиеме ефектот на затоплување кој што се одвива во внатрешноста на колите, но тој ефект ќе биде повеќе пати зголемен бидејќи и самото количество на сончевото зрачење е зголемено.

Оваа површина е направена од картон и алуминиум. За зголемување на ефектот на затоплување на садот има искористено обична стаклена тегла. Металот кој што треба да ја собира топлината е обоен во црно. Прво е лакиран со црвена боја – лак за нокти, а потоа е префарбан во црна боја.  Првиот шпорет беше несовршен – алуминиумската фолија лесно се кинеше, картонот деформиран итн. Но првите резултати добиени со вака создаден шпорет беа добри.

Слика бр. 2: Тука е шпоретот во акција. Жицата кој се забележува на фотографијата е дел на мерниот инструмент кој што ја мери температурата. Првото мерење покажа температура од 104 степени при сончево време. Иако температурата беше добра, авторот се реши дополнително да го усоврши уредот.

Прво зголемен е бројот на стаклени ќелии. Како што рековме самата површина што ја рефлектираше сончевата светлина, беше направена од картон обложен со алуминиумска фолија. Самиот картон се покажа како неквалитетна подлога. Идејата беше дека доколку се постави порамна површина ќе се добие поголемо количество на сончева светлост. Исто така, поголем број на стаклени ќелии за резултат ќе има и поголема топлинска изолација.

На следниот графикон се прикажани измерени температури со овој уред:

Наместо картон, се употреби хамер хартија, а наместо алуминиум се употреби сребрена фолија која што се употребува во цвеќарници или за пакување на поклони. Исто така, направени се посебни стаклени ќелии. Фолијата е лепена на хамер хартијата со помош на обично лепило за хартија, не охо лепило или лепило за дрва.

Дојде време за тестирање на овој нов прототип на соларниот шпорет. Значи искористена е нова површина која што ќе ја одбива сончевата светлина, искористени се 3 стаклени ќелии: тегла и над неа уште два стаклени садови како и метал фарбан во црно.

Температурата се качи до 165 степени Целзиусови и така се има задржано 10 минути. Мало предупредување: на температура од 164 степени Целзиусови се запали селотејпот и лакот на металот. Во овој тест се донесени 2 битна заклучоци:

• Може да се создаде значајно количество на топлина со користење на евтини материјали
• За примање на соларната енергија 3 стакла дадоа најдобар однос на изолација и на минување на сончевата енергија до нашите метали.

Сите овие експерименти резултираа со изградба на поголем соларен шпорет. Како функционира овој шпорет можете да видите на следните линкови: