Тесла ги плаши енергетските компании?

Енергијата, како што знаеме нѝ е неопходна поради нашиот комфор, но и за низа други работи без кои што не можеме да го замислиме нашето сегашното живеење. Дури и најмалите и најбанални нешта не можеме да ги замислиме без употреба на електрична енергија.

Најголемиот потрошувач на гориво и на електрична енергија е индустрискиот сектор. Овој сектор е незамислив без електрична енергија. Но, постојат неколку факти кои што ги загрижуваат сите земји, а тоа се загадувањето на човековата околина и високите цени на електричната енергија.

Кое е решението за овој проблем, се прашува авторот на текстот објавен на хрватскиот портал croenergo.eu, и додава едно прашање: „Дали генераторот на Тесла е добра алтернатива?“.

Факт е дека луѓето не можат без електрична енергија, тоа е неспорен факт. Ниту потрошувачите во домаќинствата, како ни индустрискиот сектор не можат нормално да функционираат без електрична енергија. Енергетските компании се свесни за овој факт и го (зло)употребуваат, а што се одразува низ високите сметки за електрична енергија.

Со помош на генераторот на Тесла, сите енергетски компании би биле погодени и тоа е еден од факторите поради кои што се намалуваат предностите на Теслините иновации и теории.

Но, зошто генераторот на Тесла се разликува од другите извори на електрична енергија?

• Цена.

Со користење на ваков вид на алтернативно добивање на електрична енергија, енергијата е многу евтина. Голем број на научници мислата дека ова може да се реализира, додека (нормално) сите енергетски компании го релативизираат неговото функционирање.

• Нема никакво загадување

Еден од негативните ефекти на индустријализацијата е загадување. Воздухот не е чист, водите се загадени, шумите се исечени, а цели екосистеми се уништени. Со користење на овој генератор, производството на електричната енергија е во целост во склад со природата.

• Едноставноста на користење.

Електроенергетските компании знаат дека луѓето не можат да водат нормален живот без нивните производи. Уредите кои што овозможуваат независно производство на електрична енергија се скапи. Со генераторот на Тесла сè се поедноставува. Имено, самиот процес на производство на електричната енергија со овој генератор е едноставно, а ни неговото користење не е комплицирано.

Поради стравот дека ќе изгубат големи количества на пари, генераторот на Тесла го сметаат за најголем непријател.