Duro-Aina Adebola, Akindele Abiola, Faleke Oluwatoyin и Bello Eniola се имињата на четири тинејџерки кои доаѓаат од Африка, кои патем сеуште се во средна школа а успеаа да направат генератор на струја кој користи човечка урина како гориво. Имено овие тинејџерки успеаа да ги импресионираат сите со својот проект на еден од најголемите саеми во Африка – Market Fair Africa. Така со само еден литар урина, нивниот генератор може да работи цели шест часа или цели дванаесет часа со два литри урина што е некој дневен просек на урина кај повеќето луѓе. Така ако се земи тоа во предвид секој човек би можел да си произведи доволно електрична енергија за неговите потреби само од она што ќе уринира во текот на денот.
Со помош на нивниот уред девојките успеале да го издвојат хидрогенот од урината кој потоа се користи како гориво за работа на генераторот. Принципот на функционирање е следниот: прво се става еден литар урина во еден вид на електролитна ќелија каде што се одделува хидрогенот, потоа се врши прочистување на хидрогенот со помош на класичен филтер за прочистување на вода и се собира во плинска боца. После тоа хидрогенот се меша во сад со течен боракс за екстракција на влажноста од хидрогенот. Дури тогаш така прочистен хидрогенот може да се користи како гориво за работа на генераторот.
Иако системот може да произведува шест часа електрична енергија сепак му треба некој надворешен извор за започнување на процесот, т.е. за напојување на електролитната ќелија. Исто така мора да се спомене дека хидрогенот може да биде опасен доколку не се внимава. Сепак, и покрај тоа останува фактот дека четирите девојки од Африка кои сеуште немаат ни право да полагаат за возачки испит направија проект кој е инспирација за сите оние кои се занимаваат со алтернативни извори на енергија. Фактот дека проектот доаѓа од земја во развој со ограничени ресурси дава уште повеќе на тежина на она што го направија овие девојки.
One Comment
Александар
Ајде малку по стручно да објасниме.
Најпрво урината е киселина, тоа значи дека два метала и киселина (пример железо и бакар) потопени во киселина создаваат класична батерија која работи слично на акумулаторите во автомобилите.
Стручното име за оваа батерија е електролитна батерија (electrolytic cell – на сликата)
Од таму во левиот сад со чиста вода се извршува електролиза со помош на струјата добиена од батеријата и се складира во сад (плинска боца на сликата)
Десниот сад со темна течност се нарекува bubler или прочистувач каде се филтрира водородот (не хидрогенот) од гасовите на електролитот кој се користи во процесот на електролиза (нус производ кој би го кородирал генераторот)
Останатото е јасно, работи слично како мотор на плин само октанската вредност е многу ниска (односно многу запалливо гориво) па потребни се некои подесувања на палењето на горивото.
Во секој случај од сликата поверојатно е дека станува збор за тн.н HOH систем, каде при електролизата покрај водородот се користи и кислородот без да се одвои. Нормално тоа претставува многу опасна смеса, па затоа имаме и неколку неповратни вентили пред генераторот.