Комисијата за меѓуопштинска соработка, со која раководи државниот секретар во министерството за локална самоуправа Сашо Стефаноски, во Охрид одржува работен состанок на тема: “Унапредување на енергетската ефикасност во општините во Република Македонија”.
-Ние во министерството за локална самоуправа и Владата на Република Македонија знаеме дека енергетската ефикасност е процес на иднината и затоа со конкретни активности се насочуваме кон што поуспешно спроведување на овој процес во Република Македонија”, рече Стефановски.
Тој истакна дека од состанокот ќе произлезат конкретни приоритети и насоки во однос на енергетската ефикасност на општините.
-Ќе препорачаме целокупниот фокус да биде насочен кон изградба на енергетски ефикасни: училишта, градинки, болници, спортски објекти и слично, а секако значајно е и општините да ги насочиме кон поставување на енергетски ефикасно јавно осветлување што во голема мерка ќе ги намали нивните трошоци. Свесни сме дека овој процес бара вклучување на повеќе чинители и затоа неслучајно енергетската ефикасност ја разгледуваме на комисијата за меѓуопштинска соработка, а воедно денес и ќе ги разгледаме можностите кои се нудат за определени кредитни линии за енергетска ефикасност кои ги има обезбедено Владата на Република Македонија. Овој процес континуирано напредува и преку вакви активности наша задача е да го унапредуваме и соодветно стимулираме, изјави Стефаноски.
На состанокот присуствуваат директорите на 8-те Центри за регионален развој во Република Македонија, кои што ги презентираат анализите за потребите на општините во секој плански регион, со цел да се најдат најсоодветни начини за обезбедување на енергетска ефикасност во делот на уличното осветлување и на јавните објекти во надлежност на локалната самоуправа.
Извор: КУРИР
One Comment
Lovro
Incijativata e odlicna no trebat po dlaboki analizi, na primer ona so javno osvetluvanje e pre skapa rabota , vladata podobro da investira vo edna pogolema fotovoltajcna elektrana 10-20MW, sonce imame vo izobilje ,zemjiste koe ne e za zemjodelska upotreba isto taka, i proizvedenata struja ce ja predava na EVN a taa javno ce osvetluva , mnogu e po eftino