Брикети и пелети:Бизнис прилика или сон? Reviewed by Momizat on . Честопати од разни причини луѓето се скептични кон новите текови и новите технологии кои доаѓаат во Македонија и како резултат на тоа се отвораат дебати и сомне Честопати од разни причини луѓето се скептични кон новите текови и новите технологии кои доаѓаат во Македонија и како резултат на тоа се отвораат дебати и сомне Rating:
Вие сте тука: Дома » Обновливи извори » Биогорива » Брикети и пелети:Бизнис прилика или сон?

Брикети и пелети:Бизнис прилика или сон?

Брикети и пелети:Бизнис прилика или сон?

Честопати од разни причини луѓето се скептични кон новите текови и новите технологии кои доаѓаат во Македонија и како резултат на тоа се отвораат дебати и сомнежи за нивната исплатливост. Честопати на блогот сме имале дописи и коментари за можностите за да се развие бизнис со брикети или пелети соодветно. Во овој текст нема да ви зборувам за технологијата за производство на брикети или пелети. Тоа го имате како дел од други текстови на блогот и лесно можете да го дознаете од нив ако веќе не сте се запознале досега со тоа. Во кратки црти ќе биде објаснето зошто е добра прилика да се влези во еден ваков бизнис и битните аспекти во цела таа приказна.

Она што ви е потребно доколку сакате да се занимавате со производство на брикети или пелети е да имате соодветна брикетирка или пелетирка пред сè. Доколку сте во можност да набавите и машина за дробење и мелење на дрвата уште подобро. И доколку на тоа додадете и една сушалница тогаш би имале комплетна производна линија. Се разбира, сето тоа би требало да биде сместено во соодветен простор со хала и двор кој одговара на капацитетот на машините и вашите потреби.

Во некој од наредните текстови ќе биде преставен еден бизнис модел на мини производен погон за пелети и како тоа би се извело, колку би чинело и како сето тоа би функционирало низ бројки. Под претпоставка дека ја имате соодветната опрема, тогаш следното што би ви требало е суровина за производство. Најдобар начин е да се поврзите со една или повеќе пилани и од таму да ја набавувате суровината (пилевината). Доколку тоа не е можно или едноставно пиланите во вашата близина се со мал капацитет тогаш следното што би можеле е да набавите дрвен отпад од некои од шумските  или комунални претпријатија кои го имаат тој отпад во изобилие. Исто така, голем потенцијал за набавка на суровина има во земјоделието (гранки од лозови насади, слама итн.)

Доколку тоа сте го решиле и имате готов производ тогаш следниот момент би бил да го продадете својот производ. Прво што би можеле е да се поврзете со продавачите и дистрибутерите на горилници на пелети. Би било одлична комбинација доколку тие би ве препорачувале на нивните клиенти, а и е сосема реална опција доколку немаат претходен договор со некој друг производител на пелети. Друг начин е да ги дадете на огласи на ТВ, радио, интернет или во локалните весници. Речиси сигурно ќе го привлечете вниманието на многу луѓе. Друг момент би бил да се договорите со стовариштата за дистрибуцја на вашиот производ. Многу производители на пелети и брикети денес така ги продаваат своите производи.

Севкупниот впечаток е дека ова е исплатливо и веќе има луѓе кои се занимаваат со ова. Но без разлика, има голем простор за влез на овој пазар. Доколку сте заинтересирани за еден ваков бизнис мала е веројатноста дека нема да успеете.

За Авторот

Број на натписи : 162

Коментари (122)

Оставете коментар

© 2013 energetskaefikasnost.info - Developed by Internet marketing Nova Solutions. Powered by WordPress.

Оди на врвот