Континуираното стремење кон енергетска ефикасност може да ни излезе со многу интересни трикови кои пак може да ни воведат и поголеми заштеди. Едноставно гледајте ги поблемите и сигурно ќе дојдете до некое решение.
Пред некое време инсталиравме централно греење кое е приклучено на камин со котел. Системот функционира одлично задоволувајќи ги нашите потреби за греење на просториите обезбедувајќи и топла вода во бојлерот од 80 литри. Она што се јави како проблем е потребата од исклучување на циркулационата пумпа навечер и нејзино вклучување наутро, со цел да не кружи непотребно изладената вода. Имено неколку пати заборававме да ја вклучуваме пумпата наутро, па решивме воопшто де не ја изклучваме. На овој начин пумпата секој ден во просек од 8 часа работи непотребно, но од друга страна при самото кружење на водата се лади затоплената вода во бојлерот. Иако инертноста на системот на овој начин дозволува продолжено топлење, сепак мој заклучок беше дека во просек трошиме 0,8 – 1,2 kWh дневно кои реално немаат некаква функција.
Распрашувајќи се помеѓу мајсторите за „парно“ и читајќи по интернет наидов на цевен термостат, кој врз основа на температурата на цевката на топловодот, одлучува да ли да се вклучи или исклучи пумпата. Оваа решение ми се виде прилично интересно и веднаш го пробав, со неколку проби (упатството беше на чешки и прилично неупотребливо) го инсталирав на системот. Употребувајќи Google translate го преведов упатството, но добив тотално спротивни информации, но со употреба на унимер точно ги поставив приклучоците. Доколку немате познавање од електрика мој совет е да побарате некој кој се разбира во електрични инсталации, бидејќи термостатот дејствува како прекинувач на електричната енергија од 220 V.
Веќе истата вечер термостатот по намалување на температурата на водата во каминот автоматски ја исклучи пумпата која се вклучи сури наутро откако температурата пак се покачи по палењето на каминот.
Половина час работа за заштеда од околу 30 kWh месечно.
Овој термостат може да ви заштедат над 30% на електричната енергија, додека пак комбиниран со термостатските вентили на самите радијатор може да заштедат и определен процент на гориво, намалувајќи ги вашите трошоци.
5 Comments
Agron
Zdravo
Jas sum Agron od Skopje, i deneska procitav edna mnogu interesna statija za energijata: https://energetskaefikasnost.info/kako-do-nad-30-zashteda-na-el-energija-kaj-kaminite-so-centralno-greene/
me interesira kakov e aparatot sto vie ste go postavile i kaj moze da se nabavi. I jas se gream na kamin so centralno greenjei go imam ovoj problem. Cak mene me sovetuvale pumpata da bide ostave da raboti i koga ne se lozi, pa cak i vo letno vreme?
Fala za vasiot ogdgovor odnapred…
Игор Мишевски
Агрон,
pipe stat или термостатски прекинувач за на топловодна цевка како на сликата можеш да најдеш во сите подавници за материјали за греење. Јас го набавив од Темомонт – Битола
Поздрав
Зоран
Убаво е да се пишува за сопствените позитивни искуства. Меѓутоа, уште поубаво ќе биде доколку се напише за нешто што е навистина ново инженерско решение во областа на регулацијата на работа на топловодна постројка, посебно од аспект на твоите тековни магистрантски студии. Контактниот цевен термостат е одамна познато инженерско решение, а “мајсторите парнаџии“ можат со такви и слични “откритија“ да се гордеат само пред лаици.
Дај некое решение, на пример, за енергетска автономност на станбен објект.
Поздрав
Игор Мишевски
Здраво Зоран,
Ти благодарам за коментарот, но навистина не го разбирам. Нашиот портал е наменет за сите корисници, и „лаици“ и „експерти“, и како што можеш да видиш од претходниот коментар, на некого му значат овие информации. И незнам зошто ги спомнуваш моите магистерски студии, кои немаат допирна точка со темата, која ти е целта да се повикуваш на нив? Како што напишав јас не се сметам за експерт, и не сум овде да давам инжинерски решенија, а ако сакаш ти можеш да го направиш тоа бидејќи интернетот е одличен медиум, па бујрум отвори си блог/портал.
Обично не одговарам вака на коментари, но бидејќи на овој начин го споделувам моето лично искуство со други за да не грешат таму каде што грешев и јас, глупо е некој „експерт“ да ме навредува зошто не правам нешто што и самиот не го прави.
Поздрав
Todor Stojanov
Со се’ што е напишано се слагам дека да се штеди. Што е со препораките на производителите на камини кои велат дека водата во системот не треба да стои, односно пумпата треба да работи постојано