Енергетската ефикасност и заштедата на енергија е концепт кој може да биде применет речиси секаде. Школите како такви не се исклучок и може доста да се постигне на полето на енергетската ефикасност. За пример ќе го земеме средното техничко од Пирот, Србија кое со примена на план за енергетска ефикасност има заштеди на енергија од 50%. Имено, се работи за проект кој е реализиран со подршка од министерството за образование на Србија и државната агенција за енергетска ефикаснот. Името на проектот е “Energetska efikasnot u školama” и има за цел преку енергетска ефикасност да се намалат трошоците на школите за енергија.
Ова е само првата школа во која ќе биде реализиран проектот, а за понатаму е планирано да се вклучат и други школи како дел од овој проект. Целосна замена на дограмата (прозорци, врати), поставување на изолација и вентили на радијаторите се само дел од активностите за планот за енергетска ефикасност. Според пресметките кои се извршени се покажа една таква инвестиција во јавни згради би се вратила за 5 до 7 години.
Како најефикасна мерка според одговорните во агенцијата за енергетска ефикасност се споменува замената на прозорците, потоа изолацијата на фасадата, изолацијата на покривот како и поставувањето на термостатски вентили и балансирање на системот за греење. Според директорот на проектот Александар Џурковиќ, пред се е битно да им се помогне на локалните самоуправи кои еднаш ќе станат финансиски помоќни и понезависни со примена на овие мерки да генерираат заштеда во сите школи. Што се однесува на овој проект предвидено е да се прошири на 40 школи, 20 болници и на некои социјални установи. Средствата се обезбедени со помош на поволни кредити од Светска банка.
2 Comments
nikola
Информирајте се малку и .е видите дека вакви „фамозни“ примери одамна се реализираат во Македонија. Енергетската ефикасност во училиштата дури е стратешка определба на владата:
https://vlada.mk/node/97
Проект: „Енергетски ефикасни училишта“, со кој при реконструкциите и градбите, ќе се стави акцент на квалитетот на термоизолацијата на објектите (2012-2015)
Проект: „Градиме и реконструираме училишта“, со кој ќе се подобрат условите за настава за околу 140.000 ученици. Во 2011 предвидена е санација на кровови во 49 училишта, санација на системите за греење во 30 училишта, замена на прозорци во 41 училиште, санација на подови во 19 училишта и санација на санитарни јазли во 53 училишта. Ќе се набават и 20.000 нови клупи и 40.000 столчиња.
Ние сме далеку пред останатите соседи во однос на енергетската ефикасност, меѓутоа за жал ние секогаш сме повосхитени од туѓото…
Игор Мишевски
Здраво Никола,
Благодариме на информациите за плановите на Владата, се надеваме дека ќе ги реализираат во следниве 3 години како што планираат. Имено вакви планови имаше и пред неколку години, но не се реализираа, бидејќи сме во директна комуникација со дваесетина школи на кои им треба токму ваква работа. Имаме изготвено еколку планови за енергетска ефикасност на повеќе училишта, кои неможат да ги спроведат поради недостатокот на средства.
На целата приказна се надоврзува и децентрализацијата, со што ингренцијата на училиштата преминуваат во локалната самоуправа, која пак не е заинтересирана за вакви проекти, бидејќи сметките за ел. енергија и нафта ги плаќа Министерството за Образование.
Не би сакале да прејудицираме, меѓутоа досегашното искуство покажало дека ваквите планови завршуваат на хартија, или со некоја „донација“ (како милува да ја нарекува нашата влада, иако парите се од Буџетот на РМ) помпезно најавена и промовирана на медиумите.