Граѓаните нема да можат да го исклучат парното греење. Регулаторната комисија за енергетика подготвува нов правилник, кој би требало да стапи на сила до август годинава. Во него се предлагаат 3 модели:
Првиот – Ако станарот од некоја зграда се исклучи, ќе мора да плаќа 50% од сметката за парно. Одлуката која беше на сила пред неколку години, а ја укина Уставниот Суд.
Ова истото ќе важи и за оние кои веќе го исклучиле парното греење. Што значи и тие ќе мора да плаќаат 50% од сметката.
Втор модел е словенечкиот – во оваа земја е забрането станарите да се исклучат од мрежата на Топлификација. Ако не сакаат парно, ќе мора да се селат во куќа.
И 3 варијанета е Германската – каде што граѓаните можат да воведат режим на заштеда на топлинска енергија, односно да стават калориметри. Но заштедата не смее да биде поголема од 50% од висината на редовната сметка.
Регулаторот денееска не сакаше да објасни зошто се носат ваквите измени и по чие барање. Кој модел ќе се прифати, се уште се анализира.
Следен чекор се Подготвителните седници на кој ќе учествуваат градоначалниците и претстваници на Граѓанското Здружение. Тие подоцна новините ќе треба да им ги објаснат на граѓаните
Постојаното зголемување на цената на парното греење, резултираше со масовно исклучување во текот на зимскиот период. Но реагираа станарите кои мораа да платат за комшијата кој го исклучил греењето.
Наташа Мерсовска
Извор: СИТЕЛ
One Comment
Дејан Спасески
Конечно треба да се воведе фер регулатива за тоа како секој може да се исклучи од парно греење во зграда. Не може секој како му текне да се повикува на човекови права, слобода на избор и уште не знам ти што, само затоа што одеднаш се свестил дека не може да ги плаќа високите сметки за парно греење. Словенечкиот модел одлично го решил ова: ако не сакаш да плаќаш, отсели се во куќа и греј се колку сакаш – или мрзни колку сакаш. Само немој во зграда да спроведуваш своја политика и сите останати станари да ја плаќаат разликата во топлина која се троши во цевките низ твојот стан.
Ској кога купува стан свесен е за заедничката одговорност која треба да ја сноси со останатите сопственици на станари. Па така секој стан плаќа за осветлување, за одржување на лифтот, за ел.енергија, за заедницата на станари, за поправка на кровот кога ќе му протече на комшијата најгоре, за одводната цевка кога ќе се запуши и кога ќе му се поплави на среќниот комшија на приземје… Е па во овие работи спаѓаат и цевките за парно греење кога вертикално минуваат низ становите.
Сопствениците на станови со години наназад се грееле и плаќале сметки без проблем. Во периодот од вселувањето во зградата па се до денес – ништо не се променило во зградата. Според мене не е фер, одеднаш да се нарушува тој систем и секој како ќе му текне да може да се исклучи од парното греење, и со тоа да ги оптовари сметките на останатите комшии.