Со почетокот на грејната сезона се зголеми интересот на граѓаните за тоа каков вид на гориво ќе користат оваа зима. Поради зголемената цена на електричната енергија, скапото централно греење, се поголем број на граѓани оваа зима ќе се грее на дрва или пак на брикети или пелети. За калоричната вредност на поедините видови на дрво зборувавме пред околу 5 месеци. Денес ќе зборуваме за калоричната вредност на брикетите.
Постои поголем број на фактори кои што имаат влијание на калоричната вредност на брикетите – начин на нивното добивање, начин на нивното складирање но најважно е каков вид на суровина се искористи за добивање на брикети. Како што имаме пишувано брикетите се добиваат од дрвена струготина, јаглен, жетвени остатоци, хартија, или пак со комбинирање на овие суровини. Оваа суровина мора да исполни и одредени квалитети за да се искористи за добивање на квалитетни брикети. Пред се, без разлика да ли се работи за дрвена суровина или пак за слама или некој друг вид на жетвени остатоци, таа треба да биде сува – оптимално 14%-18%.
Доколку ја користиме сламата како основна суровина за добивање на брикети мораме да знаеме дека различни видови на слама имаат и различна калоричност. Така на пример не е исто доколку користиме слама од соја, јачмен, зоб, пченица или пченка. Подетално во следните табели:
| Р.Б |
Биомаса |
Топлотната моќ минимална вредност (MJ/kg) |
| 1 | Слама од соја |
15,7 |
| 2 | Слама од јачмен |
14,2 |
| 3 | Слама од зоб |
14,5 |
| 4 | Пченична слама |
14 |
| 5 | Слама од маслодајна репка |
17,4 |
| 6 | Пченкарна слама |
13,5 |
| 7 | Прачки од овоштарници |
14,15 |
| 8 | Прачки од лозови насади |
14 |
| 9 | Стаблото на тутун |
13,85 |
| 10 | Стаблото на сончоглед |
14,5 |
Хемискиот состав на пченичната сламата*:
| Р.Б |
Хемиски елемент |
% |
| 1 | Јаглерод |
44,84 |
| 2 | Водород |
5,68 |
| 3 | Кислород + азот |
41,48 |
| 4 | Пепелта |
8,00 |
Процесот на добивање на брикети е сличен како и процесот на добивање на пелети кој што го имаме објаснето.
Значи прво и основно е дека потребната суровина за добивање на брикети треба да се иситни до одредени димензии за да биде погодна за понатамошно пресување. За да имаме квалитетен и цврст брикет од слама, потребен е специфичен притисок од минимум 350 kg/cm2. Понекогаш овој притисок иди и до 700 kg/cm2. Што се однесува до производство на брикети од дрвена струготина, истата мора да биде сува – оптимално 10%. Брикетите кои што имаат облик на призма се покажаа како постабилни од цилиндрични брикети.
На следното видео е прикажан процесот на добивање на брикети, со помош на хидраулична брикет преса:
И на крај топлотната моќност на финалните брикети. Таа се движи од 15 до 18 MJ/kg. За споредба, калоричната вредност на дрвото изнесува околу 17,8 MJ/kg (10% влажност).
*Elementarni hemijski sastav biomase (Brkić i sar, 1995)
One Comment
Lovro
Ubava statija na ludeto im treba edukacija, ama mora i proizvoditelite i trgovcite da se angazirat i na svojte proizvodi i briketi i drva da stavat deklaracija , kolku kg. ima vo pakuvanjeto, kolku e kaloricnata moc, kolku ima vlaga , toa se odnesuva i za drvata , ednas da se prestane drvata da se prodavat na takanarecen, metar kuben drva, toa niti e metar kuben niti se znae kolku ima drva , niti vlaga .Nazalos kaj nas vo Makedonija postojat takvi arhaicni merki , kako i za parno greenje sto naplatuva po m2 a ne so kj.Vo najgolem del od svetot drva se prodavat na kg, so tocna deklaracija koj se kolku vlaga kolku kj po kg. imaat.Isto vazi i za parnoto ima merilo pa koj kolku saka trosi ili stedi , menuva prozorci , stava izolacii i se taka , a toplifikacija togas ne moze da deli samo dividendi.