Новата 2012 година започна со зголемена цена како на електричната така и на топлинската енергија. Покрај овие зголемувања, нѝ се заканува и зголемена цена на гасот како гориво. Производителите и дистрибутерите на енергија велат дека ова ценовно зголемување е оправдано, а потрошувачите, па и државата во случај на гасот велат дека ова поскапување е неоправдано. Но, она што сите мора да го знаат е дека цената на електричната енергија и понатаму ќе расте. Исто така, цената на други енергенси (нафта, гас, дрво, брикети, пелети…) ќе имаат (поточно имаат) тенденција на раст. Ова е факт и сите мораме да бидеме свесни за ова.
Ние како граѓани немаме голема сила да ги намалиме или замрзнеме цените на енергијата, но можеме да се прилагодиме, поточно да бидеме енергетски ефикасни. Како што сите веќе знаеме, енергетски ефикасни значи да ја намалиме потрошувачката на енергијата, но без да го намалиме нашиот стандард/комфор на живеење.
Оваа можеме да го направиме на неколку начини: инвестирање во нова опрема која што троши помалку електрична енергија, инвестирање во намалување на топлотните загуби, инвестирање во опрема која што користи обновливи извори на енергија и доколку немате доволно парични средства можете да искористите неколку „трикови“ кои што ќе ви овозможат да ја намалите потрошувачката на енергија.
Ние веќе имаме пишувано за ова и сега само ќе Ве насочиме да ги прочитате следните текстови кои ќе Ви дадат упатства за тоа како да бидете енергетски ефикасни:
Енергетска ефикасност и заштеда на електрична енергија
Заштедете трошејќи – енергетски класи на апаратите за домаќинство
Правилен избор на апарати за домаќинство
Како да одберете енергетски ефикасна машина за миење садови?
Како да одберете енергетски ефикасен ладилник
Заштедете пари и енергија со виртуелни компјутери
Експрес лонец – ефикасен лонец
Енергетско ефикасни пригушници
Колку навистина ќе заштедите со штедливите светилки?
Зголемете ја топлинската маса на вашиот дом, за да ја намалите сметката за струја
Топлотната изолација на надворешните ѕидови
Неколку совети за нови градби за енергетски ефикасни домови
Соларна енергија за малку пари
Туторијали за изработка на соларни колектори
И уште многу, многу текстови. Искористете ги!
3 Comments
nikola
дајте ве молам почнете да користите македонски литературен јазик
соларна = сончева
топлотна = топлинска
туторијали = упатства
Предраг Стојковски
Почитуван Никола,
Навистина го цениме Вашиот труд да го сочувате македонскиот литературен јазик од страни зборови, германизми, србизми, грцизми, англосаксонизми, турцизми…итн.
Поради ова би сакал да Ве почастам со една домашна жолта и да заедно седниме на поило – званично македонски исправен збор за шанк. Ако не Ви се бендиса за поило можеме и на обична маса.
Уште еднаш благодарам на корекциите и друг пат очекувам конкретни прашања и коментари кои се повеќе во врска со самата тематика на текстот но сепак и граматиката е битна па бидете слободни да давате коментари од оваков вид.
Поздрав и продолжите и понатаму да го пратите нашиот блог (хм…да ли ова блог го реков на македонски литературен начин…?)
Предраг Стојковски
Барем кога инсистирате на користење на македонски литературен јазик – користете кирилица кога се потпишувате во коментарите 🙂